Xa avisaron a semana pasada e ante os oídos xordos das administracións, a Asociación de Nais e Pais A Granxa do CEIP Bergantiños, puxo en marcha este pasado xoves a campaña de recollida de sinaturas. Unha campaña que serve para demandar á Consellería de Educación a incorporación de especialistas en Pedagoxía Terapéutica e Audición e Linguaxe. Unha campaña que chega despois de ter constancia oficial no pasado Consello Escolar que están esgotados os cauces ordinarios.

Onte, o grupo de pais e nais colocaban o punto de recollida de sinaturas no corredor central dos Xardíns Municipais. Ducias de veciños interásonse pola situación do centro e os afectados seguen buscando o apoio e colaboración de toda a poboación carballesa.

Mentres, seguen preparando o comezo da actividade do Banco de Merendas que pretende que ningún neno ou nena do centro quede sen petisco de media mañá se a situación económica ou familiar fai que non poidan traelo da casa.

Novas sobre a loita contra a LOMCE

• As ANPAS dos Muíños e CEIP Bergantiños alzan a voz de novo contra os recortes.
• As familias aprenden a educar ca Fedanpa.
• A Fedanpa empeza o curso #LOMCE en clave de loita.
• Os recortes no CPI Xosé Pichel indignan aos pais de Coristanco.
• O grupo de 4º de Primaria que non tiña titor.
• O IES Pedra da Aguia critica o recorte de mestres no comezo do primeiro curso LOMCE.
• Parches en 16 centros educativos da bisbarra.
• A Xunta anuncia que manterá aberta a Escola de Carnés.
• A ANPA do CEIP de Malpica esixe unha solución aos problemas de persoal.
• Os pais e nais de Carballo piden o mantemento da novena unidade de Educación Infantil do CEIP Fogar.
• As ANPAS inciden na volta ao sistema de préstamo universal de libros de texto.
• As Anpas Galegas conclúen en Vimianzo que hai que seguir mobilizándose polo ensino público e de calidade.
• A Costa da Morte móllase polo ensino público.

Fonte

• Redacción de QPC ([email protected]).