Novas verbas sobre a Autovía do Goberno da Xunta. E as verbas volven chegar do conselleiro de Medio Ambiente, Territorio e Infraestruturas, Agustín Hernández, que se en abril prometía que as obras se rematarían no 2013, a semana pasada recoñecía que ía ser imposible.
Onte, o Conselleiro mantivo unha reunión cos representantes das asociacións Neria e Fecom, na que reiteiro que "a concesionaria aínda non acadou cos bancos o peche do financiamento que permita completar os fondos propios que aportan as empresas para seguir acometendo as obras co seu ritmo normal".

De feito, falou con claridade e deixou caer que é posible que en 2 meses se retire a concesión á UTE, o que provocaría un novo e tremendo retraso na execución das obras.

Puntualizou que "a execución da autovía atópase a un 17% do seu investimento global" e quixo asegurar que "a Xunta actuou e actuará sempre con transparencia en relación con esta cuestión, e que está a disposición de todos os sectores sociais, políticos e económicos da comarca para explicar cando o requiran a marcha das obras".

Novas relacionadas

• 22-09-12: A Autovía que separa.
• 20-09-12: A Autovía da Costa da Morte non estará rematada no 2013.
• 19-09-12: Os alcaldes da Costa únense ante a paralización das obras da Autovía.
• 06-06-12: As máquinas volven á Autovía e a Xunta asegura que se cumplirán os seus prazos.
• 24-04-12: O Conselleiro ratifica unha Autovía rematada no 2013 e sen peaxe.
• 13-04-12: Os camións da Autovía paran.
• 03-04-12: Paralizadas as obras da Autovía?.
• 28-11-11: De Cee a Fisterra en 3 minutos pola VAC.

Máis novas

• Un poboado calcolítico afogado polo asfalto.
• Sorprendidos dous muxiáns roubando gasoil nas obras da Autovía.

Fonte

• Nota de prensa da Xunta