A semana pasada escoitabamos as queixas do sector da pesca artesanal contra a xestión do polbo por parte da Xunta. Pois a Asociación de Armadores de Artes Menores de Galicia Asoar-Armega vai ir un paso máis adiante e vai "interpoñer unha denuncia na Comisión Europea pois a situación actual contraven todo o que se esta a elaborar para a nova PPC e a seguridade dos pescadores".

A entidade denuncia a "desproporción das medidas adoptadas, falla de dialogo e coxestión real da pesquería, agravamento da medidas de seguridade e medre do risco de accidentes e calidade de vida dos mariñeiros e armadores e falla dun sistema cientifico e racional baseado en datos e previsións demostrabeis e non só en criminalizar e controlar de forma irracional ao sector extractivo".

E aporta datos para demostrar que "as medidas do actual Plan de Xestión do Polbo en Galica son inusuais, perigosas e inxustificadas, non acordes nin proporcionadas respecto da evolución da pesquería". Así, Asoar-Armega ten revisado as estatísticas de capturas de tódolos portos galegos onde se desembarca só polbo procedente das nosas augas costeiras e os resultados mostranse na tabóa e gráfica seguintes:

Se atendemos aos datos, conclúen que "se ben as dúas últimas campañas (2011-2012; e 2012-2013) non son boas, e que nos últimos anos non se ten recuperado (a pesar do que decia non fai poucos anos a propia Conselleria no querendo nin facer veda) os nives de finais dos 90, non se pode dicir que esteamos a experimentar unha situación de emerxencia que xustifique unhas medidas como as propostas actualmente, tendo en conta que a captación de xuvenís depende de moitos outros factores que a actuación dos pescadores artesanais, entre outros factores cabe mencionar: os climatico-oceanográficos (recoñecidos pola propia Conselleria) e de contaminación e perda de zonas productivas".
"De feito, na campaña 2005-2006, os resultados foron moito piores que os actuais e a ninguen se lle ocurriu semellantes medidas como as propostas actualmente. Ademais, moitas das medidas propostas van, como temos reiterado en diversas ocasións, contra da seguridade e calidade de traballo e vida dos nosos mariñeiros e armadores e non podemos retroceder neste terreo e logo lamentarse cando medren os accidentes", sinalan.

Novas relacionadas

• O mar ponse de loito contra o novo Plan de Xestión do Polbo.
• Greenpeace une á flota costeira en Muros para presionar a Cañete.
• Asoar-Armega participa na Campaña pola pesca sostible de Greenpeace.
• Un berro pola pesca artesanal.
• Europa vén escoitar á pescar artesanal costeira sobre as gaiolas de salmón de Muros.
• A loita polas cotas da pesca artesanal chega ás rúas de Bruxelas.
• Asoar une a pesca artesanal para ter voz en Europa.
• Un plan, dende a Costa da Morte, para recuperar a pesca artesanal en Europa.
• ASOAR leva a voz dos mariñeiros ao Parlamento Europeo.
• A Asoar-Armega agradece a labor da GP e outras entidades en favor da pesca artesanal.
• A loita contra as gaiolas de salmón en Muros faise internacional con Greenpeace.
• Greenpeace e ASOAR comprometen en Corcubión aos políticos coa pesca artesanal.

Fonte

• Redacción de QPC (info@quepasanacosta.gal).
• Nota de prensa da ASOAR-ARMEGA.