Finalmente non fallou ningún. Os 9 concellos polos que pasa o Camiño dos Faros desbrozaron os 200 km de percorrido litoral para que os trasn@s poidan disfrutar dun dos nosos máis prezados produtos turísticos. Algúns tardaron máis que outros pero o importante é comprobar que gracias á presión mediática e dos propios hostaleiros, os Concellos arrimaron o ombreiro e fixeron o seu traballo para manter vivo este proxecto mentres o proceso de homologación continúe nunha inexplicable pausa.

Apenas falta un repaso á sinalización, que lle toca facer aos incumbustibles trasn@s da Asociación Camiño dos Faros, esa entidade sen ánimo de lucro que vén de crear en apenas 7 anos o proxecto turístico máis importante para a Costa da Morte das últimas décadas. Un Camiño aberto a todo o mundo, e que segue afianzándose por todo o mundo, e así o comprobamos no activísimo grupo creado en Facebook do Camiño dos Faros en Directo, onde grupos numerosos, familias, parellas… suben as súas fotos disfrutando das nosas paisaxes, e mesmo quedan para ter compañía.

Numerosos grupos disfrutan da zona

E tamén por toda a península, neste singular 2020 onde o turismo sostible, o turismo de natureza, o turismo de sendeirismo, se está perfilando como unha saída ideal ante a crise sanitaria que levamos sufrindo.

De feito, esa imaxe de turismo seguro é o que está ofrecendo o Camiño dos Faros e a Costa da Morte, e estás ervindo para salvar o verán turisticamente falando. Estes días xa comprobamos como as cifras de visitantes ao Dolmen de Dombate ou ao Faro Vilán están demostrando que o turismo nacional (e galego) están escollendo a Costa da Morte como destino, e hoxe comprobámolo falando con varios empresarios do sector.

Ante a falta do turismo estranxeiro e a parálise do Camiño de Santiago, a chegada de milleiros de trasnos está sendo un bote salvavidas. Non é que medrase moitísimo con respecto ao ano pasado, pero a progresión continúa á alza, e non se freou a chegada de camiñantes. Un dato singular é o aumento dun 15% nas visitas á web caminodosfaros.com (unha perfecta guía de ruta) nos meses de xuño e xullo con respecto ás do ano pasado.

Outro bo termómetro é o Museo de Man de Camelle, unha das paradas obrigatorias para moitos trasn@s. Alí este ano, nas follas de visitantes xa incluíron o ítem “Camiño dos Faros” para comprobar a incidencia do mesmo, e se ben aínda non fixeron un cálculo concreto de momento poden asegurar que “bastante significativa” a presenza de trasn@s na zona.

A nivel empresarial, así o ratifican empresarios como Marcos da Molinera de Camelle. “Nin covid nin nada. Aquí é un continuo pasar de trasnos todos os días. O Camiño dos Faros está a tope, igual que sempre”, explica.

Outros establecimentos conseguiron poñer o cartel de completo polo menos algúns destes últimos días, como nos resalta Pablo Canosa, dende As Eiras, que destaca que o turismo familiar, autonómico, está sendo o gran salvoconduto. En todo caso, valora que o Camiño dos Faros está sendo importante e mesmo recoñece que durante o mes de xullo foi fundamental.

Dende o Hotel Playa de Laxe recoñecen que aproximadamente 2-3 habitacións son ocupadas por trasn@s.

Persoas soas, grupos de corredores... a familia trasna é moi variada

Novas do Camiño dos Faros

• Xullo 2020: Os trasn@s percorren a bisbarra.
• Xuño 2020: Por que non se homologa o Camiño dos Faros? Os trans@s rebentan contra as administracións.
• Maio 20: Foro: O Camiño dos Faros non só é bonito, é emocionante”.
• Xaneiro 2020: Os trasn@s plántanse e non farán o Camiño dos Faros 2020 en protesta pola falta de apoio das administracións.
• Decembro 2019: O Camiño dos Faros gaña o Premio Galicia ao Turismo Sustentable.
• Novembro 2019: O Camiño dos Faros, Premio Galicia de Turismo 2019 polo seu 7º aniversario.
• Xullo 2019: Os alcaldes da bisbarra esixen a homologación do Camiño dos Faros como ruta de gran percorrido, tras 5 anos de trámites.
• Maio 2019: O Camiño dos Faros non ten límites.
• Marzo 2019: O Camiño dos Faros véndese en Francia.
• Decembro 17: A Deputación aproba o financiamento do proxecto de homologación do Camiño dos Faros como GR.
• Xaneiro 2017: A Xunta corrobora o seu compromiso para axudar a homologar o Camiño dos Faros como GR.
• Decembro 2016: O Camiño dos Faros cumpre 4 anos.
• Novembro 2016: O Camiño dos Faros, produto estrella na World Travel Market.
• Xuño 2016: Novo compromiso para homologar o Camiño dos Faros como Ruta de Gran Percorrido.
• Xaneiro 2016: Os pioneiros trans@s mapean o Camiño dos Faros coa tecnoloxía de Google.
• Decembro 2016: O Camiño dos Faros volve á TVE con Edu Soto.
• Novembro 2015: Os alcaldes únense á loita pola homologación do Camiño dos Faros como Sendeiro GR.
• Decembro 2014: A Costa da Morte aposta unida por un Camiño dos Faros Ruta de Gran Percorrido.
• Abril 2013: O Camiño dos Faros ábrese ao mundo.
• Febreiro 2013: Percorrendo a pé, e con Traski, o Camiño dos Faros da Costa da Morte