Onte a dirección de TPG-Ithaka anunciaba o cambio de nome das fábricas de Cee e Dumbría e das Centrais Hidroeléctricas. A nova marca, Xallas Electricidad y Aleaciones (XEAL), pretende servir, segundo a dirección de “impulso para consolidar un proxecto a longo prazo iniciado en agosto de 2019”.

Pola contra, o Comité de Empresa considera o cambio “un acto puramente propagandístico co que TPG-Ithaka pretende vender os beneficios dunha xestión empresarial que está resultando nefasta para o complexo industrial da Costa da Morte, ao tempo que alardea duns investimentos que non executa”.

Van máis alá e denuncian que “a presentación que onte fixo a dirección é puro fume, xa que falan de consolidar a compañía como referente da comarca, cando a única decisión que aplicaron foi recortar drasticamente a produción, ordenando cesar a actividade no forno 13, reducindo persoal e mantendo o resto dos fornos nunha actividade mínima, mentres ameazan con cesar tamén a produción no forno 14, o que nos deixaría sen fabricación de aliaxes de manganeso no centro de Cee”.

Os traballadores lamentan que “ate o momento a nova propiedade non gastou nin un só euro na necesaria modernización das fábricas de Cee e Dumbría, a pesar do compromiso de investir 14 millóns de euros, dos que Ferroatlántica se ofreceu a Xunta como garante do cumprimento dos compromisos industriais e da creación de emprego”.

”Con esta estratexia o único no que será referente XEAL será na destrución de emprego e no desmantelamento definitivo das fábricas de Cee e Dumbría”, sentenzan.

Ante a situación, o Comité esixe que a Xunta se posicione, convoque unha reunión a tres bandas e esixa o Plan de Viabilidade. Ademais pídelle información sobre a autorización administrativa que ten TPG para realizar o cambio de nome “xa que as concesións das centrais hidroeléctricas están a nome de Ferroatlántica e esta actuación podería supor unha segregación encuberta das actividades, algo que automaticamente suporía a cancelación do dereito de explotación dos saltos de auga”.

NOVAS DO CONFLITO #FERROATLÁNTICA

• Febreiro 2020: Ferroatlántica ata cambia de nome.
• Febreiro 2020: Os traballadores de Ferroatlántica volveron concentrarse ás portas da fábrica de Brens.
• Febreiro 2020: As fábricas de Ferroatlántica están ao 30% da súa capacidade de fabricación.
• 02-02-2020: Unha nova concentración baixo a auga con triple obxectivo.
• Xaneiro 2020: 17 novos despedimentos caldean o amibiente para a nova concentración dos traballadores de Ferroatlántica.
• Xaneiro 2020: Os Traballadores de Ferroatlántica volven á rúa este venres.
• Xaneiro 2020: Traballadores de Ferroatlántica viaxaron a Madrid á manifestación polo estatuto da Industria Electrointensivs.
• Decembro 2019: Ferroatlántica avisa de que o resultado da poxa enerxética pode provocar unha baixada da produción.
• Decembro 19: Ferroatlántica reclama unha tarifa eléctrica competitiva para as industrias electrointensivas.
• Poucas variacións no Comité tralas eleccións sindicais de Ferroatlántica de Cee-Dumbría-CCHH.
• 17-10-19: A Xunta recoñece que Ferroatlántica si ten que presentar un plan de viabilidade como lle viña esixindo a CIG.
• 09-10-19: Ferroatlántica: Un novo martes ás portas do Concello de Cee.
• 02-10-19: A Xunta sobre Ferroatlántica: “O único que aconteceu nas últimas semanas foi unha transmisión de accións”.