Este venres 30 de abril, e ata o 5 de xullo, abre a veda do polbo. Unha veda polémica tras un ano nefasto en cantoa capturas, enredada no Parlamento Galego que mesmo chega a separar ao sector. Mentres nalgunha confraría do norte da comarca pedían que se atrasase 15 días polas mala temporada, polo sur, son moitos os profesionais que defenden unha veda máis prolongada, de polo menos de 3 meses, e máis adaptada ao ciclo do cefalópodo.

Dino porque estes días moitas das capturas que están realizando son de “matronas” ás que se lle corta o desove para vender. Como podemos comprobar neste vídeo gravado na ría de Muros, moitos dos polbos capturados están ovados, e a Normativa permite pescalos, pos só di que non se pode pescar polbos de menos de 1 kg nin cando están en veda, sen facer alusión ao proceso de ovulación.

Dende o sector sinalan que as sancións económicas non serven para nada de forma xeral, e que, se cadra, serí amáis efectivo unha suspensión temporal do permiso da nasa, como fan co carné de conducir cando vas con alcohol.

Artigos sobre o polbo

• 20-04-2021: A grave situación do polbo enrédase no Parlamento .
• Marzo 21: Reiteran a necesidade de aplicar a veda do polbo ante a nefasta situación.
• Xullo 2020: Polbo e nécoras ovad@s: Os profesionais da nasa lamentan a nefasta xestión das vedas por parte da Xunta.
• Abril 2020: A incerteza do sector do mar ante a tardanza da veda do polbo.
• Maio 2018: Calafateando: Mariñeiro artesanal de polbo: “A veda do polbo é necesaria pero non suficiente” (parte II).
• Maio 2018: Calafateando: Mariñeiro artesanal de polbo: “O que temos que facer para poder saír ó mar” (parte I).
• Xullo 2016: Calafateando: A veda do polbo: necesaria… pero suficiente?.

Outras novas

• Relevo Xeracional no Mar de Muxía para un armador aos 28 anos: ”A min tiroume dende o principio” .
• Rogelio Santos: “Penso que quen fai as normas debería ir ao mar un ano e vivir diso”.