Inesquecible noite a de onte a que viviu Talía Teatro nos XXVIII Premios de Teatro María Casares. A “familia” costeira foi a gran triufandora dos premios do teatro galego sumando 7 sete dos nove galardóns aos que aspiraba a súa obra ‘Unha inimiga do pobo’.

A comprometida obra do grupo santiagués formado principalmente por xente da nosa comarca, levou os premios a:

• Mellor Espectáculo, que recolleu o director da compañía o dumbirés Artur Trillo
• Mellor Dirección para Tito Asorey, que compartiu con Quico Cadaval, director de “O Auto de Castromil”
• Mellor Actriz Protagonista para a fisterrá Marta Lado,
• Mellor Actor Secundario para o ceense Toño Casais,
• Mellor adaptación-tradución para Vanesa Sotelo e Tito Asorey,
• Mellor Espazo Escénico, para o ceense Dani Trillo.
• Mellor Iluminación, para Laura Iturralde.

Con emoción foron subindo ao escenario os representantes costeiros, e ademais de agradecer ás súas familias e demais, todos fixeron referencia á “familia” que forma este colectivo de artistas. Foi Artur Trillo o que despois de agradecer as axudas do AGADIC para poder levar a cabo un proxecto tan ambicioso e complexo, pediu que se dupliquen as programacións, que se fagan varias funcións en cada lugar.

Unha gala combativa

A cita máis importnte do ano para o teateo galego volveu quedar orfa da TVG, como lembrou no discurso oficial da Asociación de Actores e Actrices de Galicia (AAAG), a súa presidenta Arantza Villar. Un discurso no que tamén incluíu mensaxes antibelicistas fronte á invasión en Gaza, mostras de apoio aos traballadores e as traballadoras da dobraxe que están a reclamar o cumprimento do seu convenio colectivo e críticas á CRTVG. “Reclamamos que o ente público sexa verdadeiramente transparente e transversal, alleo á manipulación. Solicitamos que se cumpra a Lei de Medios. Merecemos outra televisión”, rematou Villar.

Os Premios

• MAQUILLAXE: Baia Fernández por Deadpan Karaoke, de Ibuprofeno Teatro.
• VESTIARIO: Carlos Alonso por O Auto do Castromil, de Producións Teatráis Excéntricas en coprodución co CDG.
• ILUMINACIÓN: Laura Iturralde por Unha inimiga do pobo, de Talía Teatro.
• ESPAZO ESCÉNICO: Dani Trillo por Unha inimiga do pobo, de Talia Teatro.
• ESPAZ SONORO: Mónica de Nut por Deadpan Karaoke, de Ibuprofeno Teatro.
• ADAPTACIÓN-TRADUCIÓN: Vanesa Sotelo e Tito Asorey por Unha inimiga do pobo, de Talía Teatro.
• TEXTO ORIXINAL: Manuel Cortés por Códice K, de Ainé.
• ACTOR PROTAGONISTA: Toni Salgado por Shakespare en Roma, do CDG.
• ACTRIZ PROTAGONISTA: Marta Lado por Unha inimiga do pobo, de Talía Teatro.
• ACTRIZ SECUNDARIA: María Roja por Entrega en man, de Contraproducións.
• ACTOR SECUNDARIO: Toño Casais por Unha inimiga do pobo, de Talía Teatro.
• DIRECCIÓN: (Ex aequo) Tito Asorey, por Unha inimiga do pobo, de Talía Teatro, e Quico Cadaval por O auto do Castromil, de Producións Teatráis Excéntricas en coprodución co CDG.
• DIRECCIÓN DE MOVEMENTO: Gonçalo Guerreiro e María Torres por Un hotel de primeira sobre o río, do CDG.
• ESPECTÁCULO: Unha inimiga do pobo, de Talía Teatro.
• ESPECTÁCULO INFANTIL: Crisálida, de Caramuxo Teatro.
• ESPECTÁCULO DE MONICREQUES: Nanai da China, de Pérez&Fernández.

A GALA