A Xunta Directiva da Asociación Costa da Morte - GDR, presidida por Manuel Muíño, na sesión celebrada o 30 de xullo de 2025, revisou as solicitudes de axuda presentadas na convocatoria 2025-2026 ao abeiro do Programa Leader PEPAC 2023-2027 e tomou, entre outros, varios acordos.

Ademais de 112.000€ para proxectos non produtivos propostos por varios Concellos, o único proxecto non produtivo privado é o acondicionamento de local do teleclub de Buño como centro de inclusión para combater a soidade non desexada no medio rural, proposto pola Asociación Cultural Progreso. 

Os proxectos produtivos están en proceso de revisión. 

1.-Proposta de Aprobación dos Proxectos Non Produtivos Públicos seleccionados:

2.-Proposta de Aprobación dos Proxectos Non Produtivos Privados Seleccionados:

3.- Proxectos Non Produtivos en Lista de Agarda:

Por falta de fondos para proxectos non produtivos de carácter público, quedaron en lista de agarda outros 2 proxectos:

1.- “Rehabilitación de muro medianero na Casa do Concello” (Concello de Fisterra)

2.- “Pan de Carballo, produto artesán” (Concello de Carballo)

Enviouse a AGADER a proposta de selección/non selección dos proxectos detallados anteriormente para que emita as resolucións correspondentes a esta convocatoria e llas envíe a cada unha das entidades promotoras.

4.- Proxectos Produtivos.

Por outra parte, presentouse nesta xuntanza a relación de proxectos de carácter produtivo presentados á convocatoria LEADER PEPAC 2025-2026, proxectos que xa están revisados polo equipo técnico do GDR e remitidos a AGADER para a verificación dos correspondentes informes de elixibilidade. Estes expedientes serán sometidos a aprobación pola Xunta Directiva unha vez que a Axencia remita as verificacións dos proxectos ao GDR.