Despois de regresar coa familia da emigración en Suiza, José decide abrir o Artón en Esteiro, un negocio de hostalaría que colleu fama polas pizzas a primeiros dos anos 90. Mantendo este aberto, diversifican actividade abrindo unha cafetería en pleno casco histórico de Muros, o Bahía. Nese momento compran a casa contigüa ao Bahía, pensando en dar un paso máis e abrir un restaurante. É aquí cando nace o actual Dársena, referente no Concello de Muros.

O negocio familiar amplíase cando compran o inmoble do antigo Bahía e amplían as instalacións da Marisquería Parrillada Dársena. 26 anos despois o negocio familiar segue sendo sinónimo de bo facer, onde a calidade do produto e o trato ao cliente non se negocia, coa segunda xeración ao fronte e moitos anos por diante.

Receita do Arroz con lumbrigante do Artón

Ingredientes para 4 persoas:

• Máis de 1 kg de lumbrigante.
• 200 g de arroz
• Media cabeza de allo.
• 1/2 pemento vermello e verde.
• Brandi.
• Salsa de tomate.
• Pimentón doce.

Preparación:

Corta a cabeza do lumbrigante e córtaa pola metade, saltéaa en aceite, engade un chorriño de brandy, auga e deixa que se coza. Fai un fondo de verduras finamente picadas e saltéaas co lubrigante restantes en rebandas, engade un pouco de pimentón doce, tres culleradas de salsa de tomate e o arroz. Saltéao todo e engade o caldo da cabeza do lubrigante. Deixa que se coza, pon a punto de sal e pon unha pitada de pementa negra.
Bon proveito!

Máis receitas Estrela

• Polbo crocante, espuma de papaca e maionesa de kimchi do Pepe do Coxo.
• A pescada con berberechos do Vila de Muros.
• O pinto curado da Muradana.
• A tarta de mazá de Casa do Zuleiro.
• O Pan brioche de gambas con mollo de curry e mango do Restaurante O Entra.
• O Arroz de pulpo do Taboleiro.
• As ameixas á mariñeira da Casa Amanda.
• O biscoito de Matilde dos Apartamentos rurais de Abelleira.