Continúan os Murais de Azulexo de Lar levando a cultura mariñeira da Costa da Morte polo país. Sanxenxo ou o Faro Fisterra son destinos habituais destas exposicións, aos que se une A Coruña, onde xa luciron os Faros durante o pasado verán.

Agora, o excelente espazo dA Marina volve convertirse nun museo a ceo aberto acollendo ata o 1 de marzo a exposición “Os Mariscos” creada na obra social de Subministracións Lar de Cee, no marco do seu Concurso de murais de azulexo Lar no que os protagonistas son estudantes de ESO e persoas con diversidade en risco de exclusión.

Un xeito de levar a cultura, arte, patrimonio e raíces, ademais da riqueza marítima da Costa da Morte á capital da provincia.

Estes murais están apadriñados cun manuscrito orixinal que se pode ler no mural, de escritores de comarca, a meirande parte do Batallón Literariio da Costa da Morte como Concha Blanco, Maria Canosa, Maria Lado, Modesto Fraga, Alexandre Nerium, Rafa Villar, David Creus, Miro Villar, Roberto Traba e Xosé Igrexas.

Entre os 20 murais realizados, destaca o do percebe, sobre o que a empresa ratifica o seu apoio á loita por conseguir ser considerado patrimonio inmaterial da Unesco.

Novas do Concurso de Murais

• Outubro 22: Murais en verso convirten o Faro Fisterra nun museo a ceo aberto.
• Agosto 22: Os Murais de Lar espallan o patrimonio subacuático da Costa da Morte por Sanxenxo.
• Concurso 2022: Un recoñecemento aos padriños do Concurso de Murais de Lar.
• Xuño 22: APEM leva o primeiro premio do Certame de Murais de Azulexo de Lar.
• Maio 22: Os centros de ensino mergúllanse no patrimonio subacuático gracias ao transversal Concurso de Murais de Azulexo.
• 2019: Por 1 millón de likes para a Costa da Morte
• 2019: Os murais de Azulexo da Costa da Morte renovan o museo urbano de Sanxenxo.
• 2018: Paz Lago: "Os murais de azulexo dos faros da Costa da Morte son perfectos para que os turistas inmortalicen Sanxenxo”.
• Agosto 18: Os faros de azulexo que ensinan a Costa da Morte a milleiros de turistas en Sanxenxo.
• 2016: Un mar de deportes acuáticos en clave de azulexo.
• 2014: Os Murais de Azulexo comezan a tomar forma nos centros de ensino.