Mércores. 03.03.2021
El tiempo

Nova convocatoria das axudas a ONG da Deputación que permitiron mellorar a captación de auga en Costa de Marfil

Egeuira Costa de Marfil 1
Egueire instalando unha captación de augas en Costa de Marfil coa axuda da Deputación
Nova convocatoria das axudas a ONG da Deputación que permitiron mellorar a captación de auga en Costa de Marfil

Este depósito que vemos na imaxe, así como as obras de canalización de auga para o proxecto agropecuario en N´Zida (Costa de Marfil), foi desenvolto pola ONG Egueire. A entidade mazaricá está realizando unha acción exemplar en terras africanas, formando dous mozos no EFA Fonteboa e colaborando economicamente para desenvolver un proxecto agrícola autosuficiente e autoxestionado.

O Depósito foi adquirido gracias ás axudas do pasado ano da Deputación da Coruña, sendo un dos 17 proxectos de África, Sudamérica, Centroamérica e India nos que a entidade provincial quixo poñer o foco.

Costa de Marfil Egueire 1

A Deputación volve abrir unha liña de axudas cun orzamento de 230.000 euros para ONGs da provincial, para financiar proxectos de axuda ao desenvolvemento e cooperación exterior en América Latina ou África.

As bases destas axudas, publicadas no Boletín Oficial da Provincia, está aberta á concorrencia das entidades que traballen no campo da cooperación internacional, a axuda humanitaria e á educación para o desenvolvemento e que teñan domicilio social na provincia da Coruña, e establecen dúas liñas de subvencións diferenciadas, unha para o financiamento de actividades, dotada con 115.000 euros, e outra para investimentos, cun orzamento doutros 115.000 euros.
As entidades participantes poderán solicitar axudas para o financiamento de actividades ata un importe máximo de 20.000 euros, mentres que no apartado de investimentos o importe máximo a financiar será de 32.000 euros. A Deputación achegará entre o 20% e o 80% do total do orzamento de gastos estimado.

Novas dos proxectos de Egueire

comentarios