"A posta en marcha dun ente xestor do turismo da Costa da Morte é imprescindible para acadar o desenvolvemento turístico do noso territorio". Así de claro o ten o sector empresarial da Costa da Morte, tras confirmar que a perda de investimentos na Costa chega pola dun interlocutor único coas administracións.

Así, tras varios intentos de recuperar o Consorcio, o sector empresarial reúnese este mercores 13 de xullo, consciente da necesidade de contar cun ente que xestione de xeito profesional o turismo na Costa da Morte e desde a Costa da Morte. Un ente que funcione como interlocutor único en materia de turismo coas distintas administracións e no que todas as partes implicadas na planificación e posta en marcha das accións turísticas da Costa da Morte deben estar presentes.

Dende a Asociación Profesional do Sector Turístico da Costa da Morte valoran: "Non podemos seguir perdendo investimentos e actuacións en materia de turismo por non contar cun interlocutor único, e sobre todo, non podemos seguir traballando de xeito descoordinado porque o turismo estase a converter nunha das principais actividades económicas da Costa da Morte e por tanto é fundamental unha planificación a medio e longo prazo axeitada e non a corto prazo ou a golpe de subvención como estamos acostumados".

Por todo isto, a APTCM convoca aos seus socios e socias e a todos os empresarios e empresarias vinculados ao sector turístico do noso territorio á reunión que terá lugar o vindeiro mércores 13 de xullo ás 17:15 horas na Casa da Cultura do Concello de Vimianzo.

Novas relacionadas

• O “indignado” sector turístico reúnese en Fisterra para mellorar a atención turística.
• Intentan recuperar o Consorcio Turístico da Costa da Morte con participación pública e privada.
• Hoteis e casas rurais no Camiño non notan tanto a crise.
• O sector hostaleiro de Fisterra tamén está “indignado”.
• APTCM constata que a perda de investivementos na Costa por falta de unidade no sector.
• O sector da hostelería segue denunciando a competencia desleal.
• Necesidades do Camiño: Unha verdadeira ordenación do Cabo Fisterra.

Fonte

• Nota de prensa de APTCM.