O PP confiado en que os pactos non eviten as alcaldías de Coristanco e Malpica
Nos 18 concellos da Costa da Morte o PP conseguíu 2 maiorías absolutas, se ben foi primeira forza en outras 5. En Bergantiños, ademais da alcaldía de Laracha, sumou unha valiosa maioría en Laxe, colocando a José Luís Pérez Añón como alcalde, e mantivo a maioría de José Muíño en Cabana. Ademais, en Malpica e Coristanco o PP situouse como primeira forza, e dende o partido a nivel provincial esperan que Eduardo Parga poida seguir gobernando e que José Antonio García estree candidatura co bastón de mando.
Así o sinalaba Diego Calvo esta fin de semana nunha reunión comarcal celebrada na capital bergantiñán. Calvo, celebrou a vitoria de Pérez Añón en Laxe, un feito histórico recuperando esta alcaldía logo de máis de 20 anos.
Sobre Malpica esperan que “o resto de forzas saberán entender que a xente de Malpica deixou claro que quere a Eduardo como regidor. Espero que os intereses particulares dalgúns non primen por encima dos xenerais”, apuntou.
Máis rotundo foi en clave coristanquesa. “Un pacto de perdedores, composto por ata 3 partidos, non é o mellor para Coristanco. Temos a mala experiencia do sucedido nos últimos anos, e agora o mellor para o municipio é que a formación con máis votos tome os mandos do concello”, afirmou.
Todas as novas das Eleccións
- O Pactómetro: Santa Comba.
- O Pactómetro: Vimianzo.
- O Pactómetro: Cee
- O Pactómetro: Fisterra.
- O Pactómetro: Muros.
- O Pactómetro: Malpica.
- O Pactómetro: Carnota.
- O Pactómetro: Corcubión.
- As maiores sorpresas das Eleccións Municipais 2019.
- Os resultados das #Eleccións Municipais2019 na Costa da Morte, Concello a Concello.
