Sábado. 21.05.2022
El tiempo

A Xunta confírmalle ao Comité que XEAL incumple as esixencia da administración

Alfonso Mouzo presidente do Comite de XEAL da CIG as portas do Parlamento Galego
Alfonso Mouzo, presidente do Comite de XEAL, o pasado martes ás portas do Parlamento Galego
A Xunta confírmalle ao Comité que XEAL incumple as esixencia da administración

Apenas un día despois de concentrarse ás portas do Parlamento, a Consellería de Industria recibía nunha reunión oficial ao Comité de XEAL. O secretario xeral técnico da Vicepresidencia Segunda, Pablo Casal, e Ángel Bernardo Tahoces, director xeral de Planificación Enerxética e Recursos Naturais, informaron que a Xunta si lle requeriron a XEAL o plan de viabilidadeque, pero que a empresa está ignorando a petición, e só enviaron un plan de investimentos, que están a analizar.

A Consellería reiterou a demanda, e a resposta da empresa foi aínda máis sorprendente: presentar un recurso contencioso administrativo contra o requirimento da Administración galega. En todo caso, a Xunta matzou que si enviaran outro “proxecto industrial” pero que manteñen vivo o contencioso.

O Comité considera que estes incumprimentos deberían obrigar á Xunta a “actuar de inmediato” para “salvagardar o interese público ao que se refiren as cláusulas”, e evitar o “desmantelamento das fábricas e a perda de mercado”.

O Comité lamenta ademais que a empresa se negue a clarificar o calendario de rearranque dos fornos, como lle trasladou aos rexedores da comarca, mesmo deixando aberto o abano a un novo ERTE.

Nova concentración este venres

O traballadores e as traballadoras continuarán co calendario de mobilizacións semanais e para mañá, venres 23 de outubro, ás 19:00 horas, está convocada nova concentración diante da Casa do Concello de Cee.

NOVAS DO CONFLITO #FERROATLÁNTICA

comentarios