Sen lugar a dúbidas é o concurso de Novos Deseñadores o cumio da Mostra do Encaixe de Camariñas. E este ano, teremos presencia costeira xa que tres mulleres da Costa da Morte participan este ano no certame. Dous das participantes son de Camariñas: María Campaña López e Cathy Mouzo de León, e a terceira, Jesica Coiradas Caamaño é do municipio veciño de Cee.

Jesica Coiradas é a máis nova (27 anos) e leste será o segundo ano que compite por un premio no certamen, mentres que as súas compañeiras xa son máis veteranas e acoden por quinta vez ao concurso. As tres confían en obter o recoñecemento do xurado nos seus traballos, que van desde moda nupcial ata coleccións urbanas. Mouzo de León xa conseguiu o primeiro premio e o recoñecemento do público en edicións anteriores e espera repetir éxitos.

Jesica Coiradas estreouse o ano pasado coa colección Birds -os deseños incluían unha gaiola na cabeza- que malia a súa orixinalidade non puido facerse con algún dos premios. A moza ceense espera convencer ao xurado coas propostas deste ano, roupa de rúa inspirada en modelos tradicionais.

María Campaña quedou como finalista noutras edicións, pero tampouco conseguiu algún dos premios nas súas coleccións de noiva, festa e rúa, polo que este ano espera convencer ao xurado. A concursante defende que os seus traballos son coleccións “comerciais” con produtos de gran calidade.

No concurso de Mozos Diseñadores foron seleccionadas 28 propostas chegadas desde diferentes lugares de Galicia, do resto de España e de Portugal. En total recibíronse case un centenar de traballos de gran calidade, aínda que debido ás limitacións de tempo e espazo só puideron seleccionarse 28. Os desfiles de modistos noveles e de recoñecidos diseñadores son un dos principais atractivos do certamen, ao que este ano se unirá o Pequeencaixe, onde as 41 nenas da Escola Municipal de Palillo lucirán os seus propios traballos.

Novas relacionadas

• A Mostra do Encaixe será máis internacional que nunca.
• Rapazas de Camariñas desfilarán cos seus propios modelos de encaixe.
• Novas obras no Museo do Encaixe para protexer as pezas.
• O Encaixe non ten idade nin sexo.
• Mostra 2013: O Encaixe continúa sumerxíndose no século XXI.
• 27-04-12: Veto na Mostra do Encaixe de Camariñas?.
• Mostra 2012: 17.000 visitantes fan do Encaixe un produto de moda a pesar dos recortes.
• Unha de Festas de Interese Turístico na Costa da Morte.
• Mostra 2011: Camariñas pon a tradición de moda.
• Mostra 2010: Alberto Neves gañou o Concurso de Deseñadores Noveis.
• Mostra 2010: A cara máis sensual do encaixe.
• Relatos da Costa, Un século máxico: Hoxe: Encaixe (Camariñas, 1.999).

Semana Santa 2014

• Unha Semana Santa devota en Corme.
• O congro será o actor principial da Semana Santa muxiá.
• Ponteceso bótase aos Pinchos por Semana Santa.
• Os fisterráns preparan a súa Semana Santa.
• A Panorama volverá estar nas Festas do Cristo de Fisterra.
• A Mostra do Encaixe 2014 xa ten cartel.
• Carnota abre as portas por Semana Santa ca III Mostra Víndemo Ver.
• Corcubión baila a ritmo de Cumbia por Semana Santa.

Fonte

• Nota de prensa de RDF Comunicación.