1ª Autonómica: Os derbis son cousa do Outes

Guillermo Parga

13:27 23/11/15

Novamente foi dominador o cadro de Manu de Roque non duelo de rivalidade zonal; mantéñense os problemas defensivas do Corme.

O Soneira ganou en Lousame e segue líder da 1ª-Foto-Oscar

O Soneira gañou en Lousame e segue líder da 1ª-Foto-Oscar

A Clínica de Fisioterapia Vértebra e a Podóloga Alicia Novás, de Baio, patrocinan a 1ª Autonómica. Pincha e coñéceas en www.vertebrabaio.com Tres vitorias consecutivas, e en tres derbis, suma o Outes de Manu Roque, desta volta ante un Corme que segue despregando bo fútbol pero sen sorte, e xa suma 6 partidos sen gañar, quedando en postos de descenso. Na parte alta, o Soneira volvía gañar e mantense líder da categoría con 4 puntos sobre Unión e Flavia, e 5 sobre o potente Cordeiro. Sumaron sendas vitorias pola mínima Malpica e Baio que os alonxa das pantasmas das últimas xornadas. Pero era o Sofán o que se lle facía demasiado inverno e caía ante o Piloño.

Outes 4-1 Corme

Campo: O Cunchido
Outes: David, Borja, Pose, Dani Maroñas, Chía (Elías), David Sampedro, Martín, Piki (Jura m.84), Iago Dosil (Babu m.86) e Mario (Pablo m.89).
Corme: Suso, Joshua, Dani, Toniño (Cristian m.86), Alejandro, Josiño, Adolfo, Diego, Juan Chans, Lucas e Brais.
Árbitro: Gude González (Santiago). Amonestou a Elías e Sergio do Outes; Elías do Corme
Goles: 1-0 m.9 Piki; 2-0 m.59 Piki; 2-1 m.78 Juan Chans; 3-1 m.79 David Sampedro; 4-1 m.87 Jura.

O señor dos derbis Terceira vitoria seguida, as tres ante equipos da Costa da Morte, para un Outes que a piques estivo de compricarse esta vez. Os de Manu de Roque relaxáronse en exceso, despois de ter liderado con solvencia durante unha hora, e case entra no encontro o Corme, que desarticularía por medio de Suso un penalti pouco antes do gol de Juan Chans. Fora fundamental Piki nos dous primeiros goles, con Iago Dosil coma asistente, pero a mala nova para os outienses foi a posible lesión precisamente do seu gran referente ofensivo. A boa noticia para o Corme é que o fútbol segue a brotar cunto co talento dos seus xogadores do medio.

Malpica 1-0 Bertamiráns B

11 do Malpica ante o Bertamiráns B-Foto-Luís Porto

Campo: A Pedra Queimada
Malpica: Asier; Kike, Casais, Rubén, (Vitalie m.73), Ó. Moscoso; Carlos Mallo, (Uru, 51), Eme, (Sergio m.92), Adra, Charro, Javi Trigo, (Mara m.59), Juny
Bertamiráns B: Pablo; Saúl, Cohen, (Esteiro m.82), Conde, Aitor, Meijide, Miguel Rouco, (Carlos m.71), Iñigo, Capi, (Siaba m.57), Miguel Cea, Seoane, (Junny m.46)
Árbitro: Acuña Piñeiro (A Coruña).
Gol: 1-0 m.21 Charro.

Un renacer en punto e hora Un gol de Charro no ecuador da primeira metade, tras un bo pase de Adra por enriba da barreira, serviulle ao Malpica para acadar un triunfo fundamental, que pecha un mes algo dubitativo para o cadro de Chema. Foron superiores os bergantiñáns, ante un rival xove e ordeado, que tivo algunha opción á contra.

Lesende 1-3 Soneira

Soneira: Anxo, Brais, Alberto, Aarón, Pichi, De la Sierra, Sandelo, Cristian Figueroa, Javi, Vía Rápida e Basti. Tamén: Darío, Maikel, Richi e Nazo.
Goles: 0-1, m.15: Vía Rápida de penalti cometido sobre el mesmo; 1-1, m.25; 1-2, m.27: Javi chuta, toca nun defensa e entra; 1-3, m.70: Vía Rápida de penalti sobre Basti.

Volvendo á senda da vitoria Tras un empate e unha derrota o Soneira de Manolito volve á senda do triunfo tras unha merecida vitoria en Lousame. Comezou ben o partido para o cadro soneirán e pronto Vía transformaba un claro penalti cometido sobre el mesmo. O cadro local buscaba balóns longos e nun desaxuste chegaba o empate. Pero non decaeu o Soneira e ca sorte de cara se metía, apenas 2 minutos despois, de novo por diante co gol de Javi tras rebotar nun defensa. Puido sentenciar antes do descanso pero Javi e Figueroa fixeron lucirse ao porteiro local. Tocoulle a Anxo salvar o empate nada máis voltar dos vestiarios cun man a man e cun forte disparo de falta. Pero aí acabaría a artillería local e o Soneira ía matando o choque ata que Vía sentenciaba, de non dende os 11 metros tras un penalti cometido sobre Basti.

Baio 1-0 Palmeira

Baio: Pablo, Fachal (Ramón, m.89), Yago, Porto, Luis Alvite, Norberto, Peke, Martín (Moreno, m.85), Saleta, MC (Rubio, m.27) e Luís.
Gol: 1-0, m.60: Saleta.
Lesión: MC cun pequeno pinchazo nos isquios.
Expulsión: un xogador visitante por agresión a Porto.

Vitoria de urxencias Partido tremendamente disputado, cos dous equipos empatados a puntos na zona baixa da táboa. Pero moi boa liña a que mantivo o equipo de Pastoriza ante un bo Palmeira. Pintaban mal as cousas á media hora cando MC pedía o cambio. En todo caso, parece só un pinchazo e en principio poderá estar no derbi soneirán da vindeira semana. Eses 15 minutos finais do primeiro tempo foron o peor do partido, cun Baio desnortado e a mercé do cadro visitante. Pero recuperou o mando á saída da segunda e Saleta facía xustiza poñendo por diante. A partir de aí o cadro baiés soubo ler ben o partido e non sufríu demasiado para manter 3 puntos que lle permiten sumar xa 14.

Piloño 2-0 Sofán

Sofán: David Insua, Sito, Javi Souto (Doldán, m.54), Rubén, Félix, Felipe (Insua, m.77), Franchu, Iván Rey (Seo, m.77), Brais (Raúl, m.68), Luís e Álex Pri(Martín, m.58).
Goles: 1-0, m.7: Romero; 2-0, m.76: Ferreiro.

Mala tarde Non estivo fina a SD en Vila de Cruces. O inverno sentoulles mal aos de Josito que se viron sorprendidos pola intensidade inicial dos locais que xa se adiantaban aos 7 minutos. Puideron ser máis os tantos locais nos primeiros 15 minutos ata que a SD serenou o xogo, tomou o mando e comezou a subir liñas. Brais cun tiro axustado e un gol anulado a Álex Pri foron as chegadas carballesas na primeira metade. Aguantou o forte Piloño as embestidas do Sofán na segunda metade, e soubo manter o resultado e matar o partido nunha das contras que sacaron.