Xoves. 21.10.2021
El tiempo

2ª Autonómica: Empate

2ª Autonómica: Empate
Xornada de empates esta a 27ª na Liga da Costa. Sobre todo na zona baixa, onde Corcubión e Mazaricos, e Castriz e Nantón asinaron táboas que de pouco lle serven para escapar da zona perigosa. Foi o San Lorenzo o máis beneficiado da xornada por abaixo, e tras gañar, moi sufridamente, ante o Pindo, escapan a 10 puntos do Nantón. Por arriba, o Club do Mar superaba unha das grandes pedras de toque que lle queda: unha SD Fisterra con baixas e pendente do desfile do venres que non era capaz de prantar cara ao líder. Mantense o Camariñas pegado, a pesar da baixa de Leo, que xa debutaba no Dumbría, pero sufría para superar ao Zas. A loita por esas 3ª e 4ª prazas vai estar quente, se ben Fisterra e Malpica parecen moi firmes, de seguro que os Corme, Baio e Muros estarán atentos a pinchazos.

Buño - Malpica (0-0)

  • BUÑO: Toni, Eloy, Brais Sanluis, Ángel, Diego, Jorge, Miguel Dourado, David (Emilio, min.70), Víctor Vilar, Ismael e Elías (Rubén, min.77).
  • MALPICA: Suso, David Álvarez, Marcos Amado, Iago (Tato, min.46), Marco (Avelino, min.51), Charly, Neucha, Eme, Pablo, Charro (Manu Pardo, min.85) e Martín Uruguaio.
Derbi malpicán no que o cadro da capital chegaba coa vitola de mellor equipo do 2012. Pero chegaron a Xaviña os de David Baña e non puideron sacar máis que un empate, e gracias. O Buño prantou cara non permitindo que a artillería pesada do Malpica puidese facer das súas cunha presión abafante. I é que foi un típico derbi, moi intenso con pouco fútbol e con poucas ocasións. Sobre todo na primeira metade, onde houbo demasiado medio campo e moi pouca profundidade. Na segunda, Víctor, de novo dos mellores do partido malia non estar atinado cara gol, tivo un par de boas ocasións para os locais, pero que non puido definir, e o Buño tamén tivo mesmo un gol anulado a Jorge faltando 15 minutos por fóra de xogo. Así e todo o Malpica xa suma 15 partidos sen coñecer a derrota.

Club do Mar - Fisterra (3-0)

  • CLUB DO MAR: Gonzalo, Chori (Pincho, min.86), Repi, Álex, Rubén, Juan Lareo, Jacobo, Johny (Luis Lareo, min.83), Bertín (Manu, min.78), Chapu (Fran Borrazás, min.80) e Vituco
  • FISTERRA: Joselu, Piti (Cote, min.80), Manuel Cartamil, Gus, Juan de Elvira (Borja, min.46), Eddy, Guardiola, Roco (Cristian Hidalgo, min.10), Marco (Rivas, min.76), Pana (Insua, min.60) e Dudo.
  • Goles: 1-0, min.10: Vituco a pase de Johny; 2-0, min.60: Vituco; 3-0, min.90: Rubén.
Non tivo opción o Fisterra na Porta Santa ante un Club do Mar imperial. Os fisterráns, que se presentaba con numerosas baixas, tiñan que prescindir de Roco, un dos mellores nos últimos partidos, por lesión. Precisamente xa antes de que Roco saíse do campo, Vituco se encargaba de poñer o 1-0 no marcador. Tras un primeiro tempo de respeto, con maior control local, o propio Vituco se ocupou de setenciar de cabeza, tras varias internvecións de calidade do meta Joselu. Rubén finiquitou co tempo cumplido.

Baio - Muros (1-1)

  • BAIO: Manuel, Matías, Iago, Fredi (Fachal,m in.70), Ramón, Eloy, Mario, Canai, Alberto (Rudi, min.65), Javi Suárez e Martín (Bieito, min.80).
  • MUROS: Fabio, Alberto, Javi, Teo (Marco Antonio, min.4), Gael, Dani (Adrián, min.65), Jesús, Óscar (Gelo, min.60), Aitor, Kiko (Veloso, min.70) e Sexo.
  • Goles: 1-0, min.10: Martín; 1-1, min.60: Dani dende fóra da área tras un rexeite a un saque de esquina.
  • Expulsión: Matías no min.70.
Partido de poder a poder entre 6º e 7º da táboa, igualados a puntos. Pero o partido non foi tan vibrante como se esperaba. Foi un partido máis ben raro que rematou cun xusto empate, con ocasións para ambos e unha parte para cada un. Comezaba o choque cuns primeiros 20 minutos espectaculares dos locais, que tiveron boas ocasións de Canai e Martín, que fixo de punta ante a lesión de MC, e con Javi entrando con moito perigo pola banda. O propio Martín facía o 1-0, pero o cadro local foise esvaecendo do campo. Pouco a pouco o Muros foise facendo co balón. Comezou a apretar e na segunda foi superior o Baio. Dani facía o empate e durante a última media hora estivo máis cerca o gol visitante que o local. Ao final, xusto empate no Platas Reinoso.

O Pindo - San Lorenzo (1-2)

  • O PINDO: Bicho, Javi Conexo, Alex, Dani Freire, Juan Fis, Manolito, Lolo, Eloy (Diego Trillo, min.75), Pablo (Diego León, min.50), Carlos Leis e Juan de Dios.
  • SAN LORENZO: Recarey, Adrián, Casillero, Puñal, Anxo, Santi, Fuentefría, Cachizo, Chucho, Jorge Pichel (Marcos, min.80) e Javi Pensado (Eloy, min.80).
  • Goles: 1-0, min.30: Eloy; 1-1, min.70: Bicho en propia meta tras un saque de banda; 1-2, min.85: Cachizo tras outro saque de banda.
  • Expulsión: Javi Conexo no min.70.
Non parecía este O Pindo o que está afundido e os carnotáns fixeron sufrir a un San Lorenzo que dá, con estes 3 puntos, un salto tremendo na táboa. E tiveron que tirar de xogadas de estratexia os de Verdillo pois os dous tantos chegaron tras sendos saques de banda de Chucho, todo un portento. Primeira metade moi boa dos locais. Eloy facía xustiza co 1-0 e Recarey tivo que empregarse varina meta visitante as veces para evitar o segundo tanto do Pindo. E na segunda tirou de gañas o San Lorenzo, que venceu por potencia máis que por xogo. Encerrou ao Pindo no seu campo, creando perigo en balóns aéreos e xogadas a balón parado. Precisamente tras un saque de banda chegaba o 1-1 tras un mal despexe de Bicho, que bastante fai na meta carnotá xa que é xogador de campo. Co empate, O Pindo perdía a Javi Conexo tras unha dura entrada e o San Lorenzo apretaba máis pola vitoria. O gol da vitoria chegaría do mesmo xeito que o primeiro, pero desta volta era Cachizo quen no segundo pao machaca. Aínda tivo o cadro local un par de ocasións para acadar o que sería un xusto empate, pero de novo Recarey estivo moi seguro.

Corcubión - Mazaricos (1-1)

  • CORCUBIÓN: Andrés, Pablo, Senra, Atalaya, Conguito, Santi, Papi (Sancho, min.65), Yago, Alán, Sebas (Adrián, min.80), David Lourido e Edu (David, min.75).
  • MAZARICOS: Juan, Casais, Tuco (Chico, min.77), Óscar (Marcos, min.38), Matias, Ramon, Estebán (Martín, min.82), Rodri, Kevin, Aldo (Cristian, min.60) e Estéfano (Rafa, min.64).
  • Goles: 0-1, min.44: Kevin; 1-1, min.90: Senra tras un centro de Camacho.
Empate que non sabe nin ben nin mal a ningún dos dous equipos, que quedan aínda preto do descenso, con 1 punto de vantaxe sobre o Zas e 4 sobre o Nantón. E iso que o gol local chegou co tempo cumplido cun gol do defensa Senra, que lle impide ao Mazaricos despegarse. Foi un partido de respeto, con poucas ocasións e moito respeto. O Mazaricos non marcou ata o fío do descanso, e tras unha segunda metade na que o Corcubión o intentou máis, o premio para os de Nito chegou no min.90.

Corme - Esteirana (3-1)

  • CORME: Javi, Adolfo, Alejandro, Jesús (Lelo, min.77), Pandi, Martín (Abel, min.60), Juan, Adri (Chino, min.86), Iago, Lucas (Antonio, min.89), Diego.
  • ESTEIRANA: Ramón, Codesido, Adelino, Dani Rama, Simón, Iago (Adrián, min.70), Uru, Alex (Isma, min.60), Eloy, Adri, Rober Pladur (Benancio, min.95).
  • Goles: 0-1, min.10: Adelino; 1-1, min.30: Iago de penalti; 2-1, min.85: Iago de penalti; 3-1, min.90: Juan Chans.
  • Expulsións: os visitantes Ramón (min.30), Uru, Iago e Simón no min.88.
Partido complicado marcado pola actuación arbitral, que acabou con 4 xogadores esteiráns expulsados e dous penaltis sinalados a favor dos cormeláns. E iso que comezaba pegando a Esteirana cun tanto de Adelino aos 10 minutos. Pero a xogada clave do choque chegaba á media hora, cando o colexiado sinañaba penalti, inxusto para os muradáns, e expulsaba ao meta Ramón. Benancio tiña que substituir a Roberto Pladur, e o partido se presentaba complicado xa para a Esteirana, cun home menos e empate no marcador. Así e todo o choque mantivo a intensidade. Ninguén quería dar un paso en falso, e se ben os esteiráns non arriscaban o Corme non conseguía abrir a defensa. Así tras unha segunda metade igualada, unha nova decisión arbitral deixaba a Iago de novo nos 11 metros, e nas protestas, 3 homes visitantes eran expulsados. Asi chegaba a sentencia coas propostas visitantes. Entrementres, o Cairo disfrutaba dunha boa nova para equipo. O cormelán, xogador da categoría cadete, Fran Rodríguez Bugallo, con 14 anos, conseguía a medalla de bronce nos Campionatos Absoluto de España de Atletismo en Pista de 60 metros. Toda unha fazaña.

Sofán - Dumbría B (0-0)

  • SOFÁN: Richard, Adrián, Gus, Juan Rabuñal, Juanjo, Meni, Víctor, Eloy, Iván, Abel e Jaco.
  • DUMBRÍA B: Anxo, Tantán, Samuel (Ivanete, min.75), David Carreira, José Manuel, Josiño (Jose, min.65), Esteban, Jesús, Pereira, Yerai (Israel, min.60) e Rodrigo.
Partido bonito o vivido en Carral a pesar do resultado, que comezaba cunha clara ocasió do Dumbría que sacou Juanjo baixo paos. Acto seguido, respostaba a SD cun gran remate de Jaco que Anxo detén cunha gran parada. A SD mantiña o dominio do balón sen demasiada profundidade e o Dumbría aguantaba e respondía. Na segunda o partido perdía en intensidade. Iso si, as ocasións chegaban por arreóns e nas dúas áreas, pero Richard e Anxo, os mellores do partido, respostaban a cada intentona.

Camariñas - Zas (1-0)

  • CAMARIÑAS: Pombo, Carlos, Alberto, Maikel, Diango, Paco, De la Sierra, Brais, Adrián (Moriño, min.,60), Javi e Juan oBello.
  • ZAS: Elías, Quintáns (Kevin, min.60), Dani, Lagoa, Mancelo, Óliver, Jaime (Rafa, min.65), Ismael, Jorge (Amado, min.70), Peque e Pastor (Víctor, min.75)
  • Gol: 1-0, min.10: Javi.
Partido apretado que comezaba cun gol na primeira chegada dos camariñáns. Aínda tivo o cadro camariñán un par de ocasións máis para sentenciar ás que respostou moi ben Elías, pero a partir da media hora de xogo, perderon o medio campo e o Zas comezou a apretar. O Zas de Corredoira, con 4 xuvenís de partida e 3 máis na segunda, apretou e puido acadar o empate sobre todo nos últimos 5 minutos de partido. Un pao de Jaime e dúas ocasións ao final (Víctor mandou por riba diante do porteiro, e Peque rematou tras un córner arriba) puideron significar o empate, pero os 3 puntos quedn en Camariñas para seguir a estela do líder.

Castriz - Nantón (2-2)

  • CASTRIZ: Herrera, Michi (Toniño,m in.65), Sergio Pose, David Agra, Berto, Bruno, Pepe, Mauri (Sergio Gerpe, min.80), Rubén (Jorge, min.,60), Pablo e Sebas.
  • NANTÓN: Ernesto, David, Eloy, Félix, Diego, Carlos Vidal, Fabio (Martín, min.46), Cristian, Rubén (Bonano, min.75), Manolo e Sito (Iván, min.55).
  • Goles: 1-0, min.30: Mauri pola escuadra dende o borde da área; 1-1, min.50: Sito de cabeza; 1-2, min.83: Iván; 2-2, min.88: Sebas con outro golazo tras un pase longo de David Agra.
  • Lesión: os cabaneses Fabio cun ollo inchado e Sito.
Outro dos choques directos da zona baixa, que remataba en empate. E iso que seguen xustiños os cabaneses e o porteiro Bonano tivo que saír de novo ao campo tras un par de lesións, e xa se vai acostumando á banda dereita. Foi un partido de alternativas sen demasiado xogo no medio campo chegando a parecer un partido de tenis. A primeira metade rivo cor xalleiro e segunda foi máis cabanesa, en función do vento reinante en San Pedro. Comezou o Castriz apretando co vento a favor, e Mauri puxo por diante aos locais. Saíu ben prantado o Nantón na segunda, aproveitando o vento, e superando unha gorda granizada. E remontou con dous goles a balón parado. O segundo, de Iván, chegaba a falta de 5 minutos para o final, pero o Castriz reaccionou a tempo e puido empatar cun golazo de Sebas. Un Sebas que de feito puido darlle a volta ao marcador pero fallou xa co tempo cumplido unha inmellorable ocasión.

Nova relacionadas

Máis información

Crónicas da semana

Máis novas

Fonte

comentarios