Martes. 23.07.2024
El tiempo

2ª Autonómica: Remate con goleadas e ascensos pendentes

2ª Autonómica: Remate con goleadas e ascensos pendentes

Rematou a tempada na Liga da Costa pero aínda quedan moitas cousas pendentes. Cos descensos de Nantón e O Pindo fixos, os ascensos á nova 1ª Autonómica, santiaguesa, seguen en vilo. Parece que Club do Mar e Camariñas apostan polo ascenso. De feito, onte a directiva do Camariñas propuña a renovación a Pepucho e aseguraba que a meirande parte da plantilla queda para afrontar o salto de categoría.

Pola contra, e sen aínda confirmación oficial, parece que o Corme non o ten tan claro. De feito non celebraron o ascenso trala espectacular 3ª acadada, pois non consideran que a liga santiaguesa sexa a súa. Así o máis probable é que renuncien, e que deixen esa 3ª praza de ascendo directo ao Fisterra.
Un Fisterra que si que está ilusionado co ascenso, e que quedará con toda a plantilla para o ano que vén.

Por detrás queda o Malpica, que probablemente terá que xogar unha promoción de ascenso cos 4º das outras Segundas. Pero coma sempre, e nun alarde de organización, teremos que esperar arredor dun mes para saber que ocorre. Entrementres, Malpica e Fisterra non saben se deixar de adestrar ou continuar preparándose para a posible promoción.

No tocante á xornada, destacar as numerosas goleadas, que dan conta de como o exceso de partidos desvirtúa a competición. I é que a copa sabatina mata, e mesmo parece que somos profesionais no fútbol costeiro, como se preguntaba Manuel Varela

Zas - Dumbría B (5-5)

  • ZAS: Damián, Pereiro, Dani (Peque), Macenbo, Oliver, Lagoa (Kevin), Jorge, Rubio (Rony), Jaime (Diego), Pichín (César), Quintáns.
  • DUMBRÍA B: Anxo, José Carreira (Miguel Poyo), Samuel (David Carreira), Pablo Conde, Jose, Esteban, Fernando, Jesús, José Manuel (Dito), Josiño (Israel), Rodrigo.
  • Goles: 0-1: Pablo Conde; 1-1: Lagoa de penalti; 2-1: Pichín (descanso); 3-1: Pichín; 4-1: Pichín; 4-2: Jesús; 4-3: José Manuel; 5-3: Pereiro; 5-4: Esteban; 5-5: Josiño.

Partido de tolos no que o Zas chegaba nunha histérica fin de semana, cos xuvenís en plena loita e con copa sabatina. Os dumbrieses chegaban sen o míster e con numerosas baixas, xa desexando que remate a tempada.

O Zas tivo a primeira metade controlada, pero cada xogada era gol. O marcador sinalaba un 2-1 ao descanso, e á volta os locais parecían sentenciar con 2 tantos. Recurtaba de novo o Dumbría, pero cando faltaban 10 minutos Pereiro volvía poñer 2 goles de vantaxe para os zaenses. En 2 minutos do final, o Dumbría conseguíu empatar ante a flaqueza da defensa zaense.

San Lorenzo - Fisterra (1-2)

  • SAN LORENZO: Sergio, Santi, Anxo, Quillo, Puñal, Antonio, Chucho, Fuentefría, Eloy (Carlos), Bolón, Javi.
  • FISTERRA: Joselu, Munitis, Manuel, Gus, Kotte (Roberto, min.78), Nico, Guardiola, Roco, Dudo, Marco do Cabo (Insua, min.88) e Mane (Bruno, min.70).
  • Goles: 1-0, min.20: Javi; 1-1, min.45: Mané tras un rexeite; 1-2, min.47: Marco Docabo dende o borde da área tras un despexe.
  • Expulsións: Os locais Quillo e Puñal no min.90.
  • Partido no que o Fisterra se xogaba moito, pero só espertou co gol inicial dos locais. Aí comezou o xogo duro por ambas partes. Un gol antes e outro despois do descanso meteron ao Fisterra por diante, pero o xogo continuaba moi duro.
    O colexiado permitiu e acabou en batalla campal con dous expulsados polo bando local e numerosos cartóns.

    Como detalle, Mané adicou o gol a Tata, outro emigrado que marcha a Suiza a traballar.

    Mazaricos - Malpica (4-5)

    • MAZARICOS: Juan; Casais, Chico (Carreira, min.86), Óscar, Matías, Rodri, Esteban (Ramón, min.46), Iván, (Sandelo, min.46), Molinos (Ferreiro, min.70), Brais, Stefan (Aldo, min.70).
    • MALPICA: Suso; Charly, Marcos Amado (Avelino, min.57), Andrés, Marco, Rancaño, Neucha, Manu Pardo (Dani, m min.54), Pablo (Iago, min.58), Tato (Casais, min.93), David Blanco.
    • Goles: 0-1, min.1: David Blanco; 0-2, min.20: David Blanco; 0-3, min.47: Tato; 1-3, min.49: Molinos; 2-3, min.55: Matías; 3-3, min.57: Brais; 3-4, min.83: David Blanco; 4-4, min.89: Brais; 4-5, min.90: Neucha.

    Partido de tolos no Pino do Val, que demostra o estado da liga con partidos hoxe e mañá. Cun final de infarto con alternativas no marcador.

    Na primeira o Malpica puido marcar unha chea deles, e mesmo marrou un penalti. Meteuse 0-3 pero o Mazaricos saíu espectacular na segunda e conseguíu empatar por dúas ocasións. A última xa no min.89, pero Neucha, cunha volea tremenda dende 30 metros deixa 5º ao Malpica, posto que é máis que probable que dea acceso a unha Promoción cos 4º da outras Segundas da delegación santiaguesa, Brión e Lamela.

    Nantón - Club do Mar (0-1)

    • NANTÓN: Bonano, David Lareo, Eloy, Felix (Sito, min.85), Diego, Carlos Vidal, Fabio, Rubén (Iván, min.80), Luís, Manolo, Martín.
    • CLUB DO MAR: Gonzalo (Iago, min.75), Pichu (Chori, min.60), Luís Lareo, Alex (Rubén, min.70), Fran, Jonnie, Juan, Chapu, Manu (Bertin, min.80), Vituco, Santi Silva (Jacobo, min.65).
    • Gol: 0-1, min.35: Chapu.

    Remata a temporada para os dous equipos cun partido soso, entre o campión e un equipo descencido, e o sol dominando o ceo. Dominio visitante pero con ocasións para os dous lados. O Nantón buscando ás contras de Luís, que avisou con dúas boas ao principio que mandou arriba.

    Castriz - Corme (1-3)

    • CASTRIZ: Herrera, Sergio Pose, Miguel, Bruno (Toniño, min.60), Alberto, Martín (Sergio, min.46), Piñeiro, José, Facal, Jonhatan (Landeira, min.67), Brenlla.
    • CORME: Javi, Jesús, Martín, Pandi, Lelo (Alejandro, min.46), Diego (Alejo, min.60), Juan, Adri (Chino, min.80), Iago (Adolfo, min.68), Brais, Gonzalo (Lucas, min.46).
    • Goles: 0-1, min.18: Adri de tiro cruzado tras unha xogada ben centrada; 0-2, min.44: Juanciño de volea cun golazo tras un centro pasado dende a esquerda con rabia por unha tarascada na xogada anterior; 1-2, min.50: Piñeiro de golazo de tiro lonxano; 1-3, min.85: Alejo de reixete tras o seu penalti.

    Xogábase o Corme a 3ª praza e respondeu no campo de San Pedro, ante un Castriz que non se xogaba nada. Saía o 11 cormelán cunha media de idade de 22 anos, quedando no banco 5 alicerces do equipo. Así e todo foi superior en todo momento e sentenciou con solvencia.

    Pero no canto de celebrar o ascenos, o Corme nob fixo festa. I é que malia que non teñen decidido oficialmente se renuncian ou non ao ascenso, é máis que posible que o rexeiten: "Non é a nosa liga", valora Suso da Torriña, que se ben sinala que "se fose para a 1ª da Coruña seguro que ascenderíamos". Lembra que "non é unha cuestión económica, e este anos somos 3º e non 1º, se o fosemos seguro que ascenderíamos e o ano que vén, se quedamos campións, xa se verá. Por agora, penso que imos facer máis club aquí, e ademais sería incongruente non estar dacordo con esta renovación de competicións, como para acceder ao ascenso".

    Corcubión - Sofán (2-5)

    • CORCUBIÓN: Andrés, Paulo, José Atalaya, Sancho, Santi Papi, Conguito, Edu, Adán, Lema, Lourido, David de Muxía. Tamén xogaron: Adrián, Mario, Xabi, Gabriel, Cristian.
    • SOFÁN: Carlos, Adrián (Suso, min.46), Gustavo, Juanjo, Miniño (Iván, min.46), Manuel Varela, Eloy, Gurita (Víctor, min.55), Jacobo, Edu (Abel, min.65), Berti.
    • Goles: 1-0, min.10: Lourido de penalti; 1-1, min.15: Berti; 1-2, min.23: Gurita; 1-3, min.40: Gurita; 1-4, min.63: Gurita; 1-5, min.70: Abel; 2-5, min.85: David de Muxía.

    Partido estrano no Cubaleiro, con dous equipos sen tensión ningunha que levou un Sofán, que fixo un gran xogo ante un Corcubión pouco metido no partido, e con moitos riscos atrás.

    O Sofán espertou co gol inicial e comezou a xogar, e cos goles de Berti e Gurita deron a volta.

    O Corcubión pensa xa na tempada que vén, e xa pensan nun novo adestrador, unha vez que Nito non vai continuar.

    O Pindo - Camariñas (2-8)

    • O PINDO: Lolo, Diego Trillo, Juan Fis, Pablo, Manolito, Bicho, Javi BIcho, Diego León, Garrido, Alex.
    • CAMARIÑAS: Pombo, Carlos (Juan oBello, min.70), Alberto, Diango, Moriño (Maike, min.46), De la Sierra, Saviola, Javi cad., Brais (Adrián, min.70), Javi, Yuyo.
    • Goles: Javi (4), Adrián, Yuyo, De la Sierra por parte camariñá. E por bando local o central Alex, que onte fixo de dianteiro tanque, e marcou 2 tantos.

    Un Camariñas moi superior, goleou relaxado a un O Pindo con 11 xustos de un porteiro e un central na punta de ataque. Ademais o cadro local está moi cabreado pola decisión da Federación de multar con 90€ por unha incomparecencia a semana pasada en Baio, que non foi, pois os carnotáns acodiron ao campo e xogaron máis de unha hora.

    Así, O Pindo despídese dunha temporada para esquecer.

    Pola súa banda o Camariñas, aínda coa Copa en xogo, xa quere renovar a Pepucho e boa parte da plantilla vai, pensando na vindeira temporada na 1ª.

    Buño - Baio (1-2)

    • BUÑO: Brais, Eloy, Diego, Ángel, Óscar, Jorge, Emilio (Richard, min.60), Dourado (Miguel min.46), Juan (Elías, min.46), Ismael (Rubén, min.46), Victor.
    • BAIO: Manuel (Guillermo, min.46), Matías, Iago, José Antonio, Pablo, Eloy, Fachal, Bieito, Lucas (Andrés, min.80), Martín, Javi Suárez.
    • Goles: 0-1, min.10: Javi Suárez; 0-2, min.20: Bieito; 1-2, min.38: Dourado.

    Partido sen historia, típico de final de tempada, e iso que o Baio estaba intentando asegurar a 6ª praza, por se hai premio polas renuncias, e algo de gañas máis puxeron.

    Comezou moi ben o Baio e en 20 minutos xa case sentenciar o partido. Recurtou Dourado pero a segunda metade foi de mero trámite.

    Marcou Javi Suárez, algo triste pola decisión da Federación de anular os 7 goles contra o O Pindo, un choque que a Federación pecha con 0-3 por unha suposta incomparecencia, que non foi tal.

    O Buño xa pensa na tempada que vén, na que probablemente continuará Esmorís. Pola súa banda, o Baio, aínda pendente da tremenda familia Xuvenil, prantexa xa o ano vén que con algunha fichaxe en mente, de xente da casa, iso si.

    Muros - Esteirana (6-1)

    • MUROS: Fabio (Trozo), Alberto (Fernando), Gael, Mayu, Teo, Gelo (Marco), Adrián (Oscar), Jesús, Aitor, Yanki (Javi), Sexo.
    • ESTEIRANA: Benito, Rober, Codesido, Dani Rama, Chispi, Andel, Eloy, Alex, Adrián (Bruno, min.50), Roberto Pladur (Pablo, min.70), Adelino (Abel, min.60).
    • Goles: 1-0, min.2: Mayu de penalti; 2-0, min.12: Gael; 2-1, min.25: Adelino; 3-1, min.35: Mayu de penalti; 4-1, min.60: Gael; 5-1, min.65: Jesús; 6-1, min.75: Mayu.
    • Expulsión: o esteirán Dani Rama xa terminando o partido.

    Partido estrano en Miraflores, marcado por un follón nas bancadas que despistou aos xogadores. I é que houbo que parar o partido e chamar á Garda Civil, con denuncia polo medio por unhas posibles agresións de varios rapaces a un veciño de Abelleira, ante a indignación dos propios siareiros muradáns e esteiráns.

    No deportivo, o resultado foi demasiado abultado, e só se decantou contra o final. Estivo igualado na primeira metade, cunha Esteirana que puido ir por diante, pero que acabou con 3-1 con dous goles de penalti do Muros. a partir do 3º a Esteirana desapareceu do campo.

    A Esteirana xa pensa na tempada que vén, con unha chea de xogadores en todas as categorías pero xa pensa en renovar os equipo de adestradores dende cadetes ata os afeccionados.

    Máis información

    Crónicas da semana

    Máis novas

    Fonte

Comentarios