3ª Autonómica: Doble loita no alto da táboa

3ª Autonómica: Doble loita no alto da táboa

20:49 12/03/12

Dúas loitas no alto da táboa da 3ª da Costa manterán aberta e intensa a competición ata o último día. Tras coñecer os ascensos, sabemos que as dúas primeiras prazas darán o ascenso directo, mentres que entre o 3º e o 6º haberá unha promoción con doble eliminatoria a doble partido dos que sairán tantos ascensos como sexa posible, entre 1 e 3. Por iso a loita polas dúas primeiras prazas será tremenda, e xa parece que hai 3 equipos que manterán en vilo á bisbarra. Carnota, Outes e Cabana seguen firmes. Esta semana o Carnota aproveitaba o descanso do Outes para recuperar o liderato pero hai tan só 2 puntos de diferencia entre ambos e 1 máis con respecto ao Cabana, pero os carnotáns teñen un partido máis. Montelouro e Coristanco parecen fixos nas quinielas de entrar na promoción pola súa constancia. E aí queda esa 6ª praza que vale ouro. Se ben Laxe e Porteño non se queren distanciar, Volantes e Cerqueda son os mellores situados, e veñen mantendo un duelo tremendo, como o vivido esta fin de semana en Miraflores, cun empate a 2, repetindo o marcador da primeira volta.

Cerqueda - Volantes (2-2)

CERQUEDA: Fredi, Javi Pazos, Javi, Dani, Jorge, Santi, Manu, Lorenzo, Dieguito (Maikel, min.67), Alex e Dani Añón.
VOLANTES: Iago, Fran, Mou (Juan, min.53), Josiño, Paquy (Pardelo, min.53), Brais, Ramón, Seluco, Ivi (Benja, min.75), Edu (Piru, min.80) e Piti.
Goles: 1-0, min.7: Alex, de penalti; 1-1, min.70: Seluco; 2-1, min.83: Alex; 2-2, min.85: Brais, de falta.
Expulsión: O local Rober (min.65) con cartón amarelo directo por unha agresión a un xogador rival.

Punto traballado o que se levou o Cerqueda ante un Volante que foi a Buño dende o primeiro momento a polos tres puntos. O dominio do partido foi case por completo dos de Baño, pero o dianteiro local Alex estivo moi fino en ataque e amarrou un punto importante para os de Cerqueda. Alex abriu o marcador ao transformar unha pena máxima feita sobre el. Xa no segundo tempo, Seluco empataba ao rematar unha falta lateral. De novo Alex, nunha contra, plantase ante Iago e báteo no man a man. Pouco lle durou a ledicia aos locais, pois dous minutos despois, Brais marcaba dunha falta lonxana o definitivo empate a dous.

Lira - Laxe (0-1)

LIRA: Miguel Anxo, Miche, Pelexo (Abel, min.75), Suso Perico, Jose (Craig, min.65), Gabri, Yerai, Edu, Iago, Suso Patachin (Ancho, min.65) e Fran Perico.
LAXE: Illote, Rellán, López, Ventura, Naya, Borja, Roi (Felipe, min.46), Dario, Manuel Saleta (Jacinto, min.70), Iván Ferreiro e Rivera.
Gol: 0-1, min.62: Iván Ferreiro.

Partido con pouco ritmo o vivido na tarde do sábado en Portocubelo onde os dous equipos se mostraron bastante apáticos e, outra vez un trío arbitral, este levou con tranquilidade o partido, aínda que non deixa de ser sorprendente que os únicos tríos arbitrais na Terceira Autonómica caian todos en Portocubelo. A primeira parte tivo algo máis de ritmo que a segunda, pero o único salientable foi un penalti por man inocente de Jose, que atallou o porteiro local a tiro de Rivera e un man a man de Darío que mandou a córner Miguel Anxo. O resto desta primeira parte foron balóns en profundidade que solventaban con mais ou menos fortuna os dous equipos pero sen acaecer perigo por ningunha parte. Na segunda, Rivera baixou un pouco a súa posición e comezou a mandar no campo, dominando o Laxe o medio campo pero sen crear moito perigo arriba, ata que o único erro de bulto da defensa local, por un mal bote do balón no "empedrado" de Portocubelo fixo que o balón chegase franco ao ariete visitante Iván Ferreiro que tivo tempo de controlar e poñela lonxe do alcance do porteiro local no min 70. Así o Lira quíxose estirar un pouco máis pero a falta de físico de ámbolos equipos fixo que Rivera seguise dominando o medio campo tendo dúas claras oportunidades, unha por bando, un man a man algo escorado por parte dos visitantes que petou no porteiro e un tiro dende fóra da área de Yerai que ía a escadra pero que sacou o porteiro visitante. A nota negativa do partido para os visitantes foi a recaída de Felipe da súa lesión muscular, logo de tres meses de baixa.

Carnota - Xaviña (5-1)

CARNOTA: Nowita, Tono da Caixa, Manolo, Sergio Manín, David de Brea, Joselu (Pedro de Vigo, min.82), Rodrigo, Andrés, Pumuki (Urko, min.75), Tono Goyanes (David Castreje, min.55) e Manoliño.
XAVIÑA: Pablo, Rubén (Berto, min.46), Juan Antonio, Sergio, Chiribí, Adrián, Caamaño, Bua, Diego Frutos (Diango, min.65), Elvis (Marcos, min.46) e Yuyo.
Goles: 1-0, min.15: Manoliño; 2-0, min.30: Manoliño; 2-1, min.35: Caamaño; 3-1, min.55: Manoliño; 4-1, min.60: Manoliño; 5-1, min.83: Joselu.

Partido cómodo para o Carnota, atopouse coa resistencia do Xaviña na primeira metade, pero na segunda o partido foi por completo para eles que puideron marcar algún gol máis. Cabe destacar o bo debut de Sergio Manín no Carnota.

Fisterra B - Muxía (3-0)

FISTERRA B: David Perlón (Ángel, min.65), Rubia, Juanjete, Cote, Noé (Manu, min.68), Gabi, Hidalgo, Jose Da Anchoa, Carlos, Insua (Eloy, min.70) e Bruno (Diego, min.62).
MUXÍA: Angel Luís, Carrera (Pataca, min.65), Fape, José, Martín, Currás, Arxires, Alberto Romaní (Jose Antonio, min.46), Pesqui, Raúl e Felipe.
Goles: 1-0, min.15: Insua; 2-0, min.58: Jose da Anchoa; 3-0, min.88: Gabi.
Lesión: Alberto Romaní cun golpe no nocello.

Partido sen moita historia o que se disputou na tarde do domingo en Ara Solis. Na primeira metade un gol de Insua adiantou aos locais que realizaron moi bo xogo. Na segunda metade o Muxía baixou os brazos e o Fisterra B foise arriba aínda que sen moito acerto. Jose da Anchoa fixo o segundo e Gabi de disparo colocado rubricou unha merecida vitoria do cadro fisterrán.

Porteño - Corcoesto (6-1)

PORTEÑO: Jimy, Brais (Tajes, min.46), Pejo, Pirucho (Iago Sestayo, min.70), Gabi, Asier, Ismael (Alvaro Cadete, min.55), Brais Grela (Maikol, min.46), Cousillas, Jorgito (David Cadete, min.60) e Wi.
CORCOESTO: Siro, Lista, Edelmiro, Germán, Miguel, Manuel, Luís, Javi, Couto, Martín e Pablo.
Goles: 1-0, min.10: Wi; 2-0, min.15: Brais Grela; 2-1, min.18: Edelmiro, de penalti; 3-1, min.30: Wi; 4-1, min.35: Brais Grela; 5-1, min.42: Wi; 6-1, min.85; David Cadete.
Lesións: Os visitantes Luís, nun nocello e Miguel, cunha rotura de fibras.

Cómodo triunfo do Porteño que se viu beneficiado polas lesións de Luís e Miguel, e dado que os de Corcoesto tan só acudiron con once xogadores a Camariñas, tiveron que xogar un bo parte do partido con 9 xogadores.

Soneira B – Atl. Pereirña (2-0)

SONEIRA B: Víctor, Chans, Curra, Alberto, Chuchi (Héctor, min.55), Roi (Kevin Cadete, min.55), Mauro, Dani (Aarón, min.69), Cristian Canosa, Cristian Figueroa e Cho (Marquitos, min.55)
ATL. PEREIRIÑA: Adrián, Grille, Serxio, Javier, Mateo, Javichu, Esteban, Antonio (Simón, min.75), Darío, Abraham e Víctor.
Goles: 1-0, min.53: Mauro; 2-0, min.76: Aarón.

Partido xogado na calorosa mañá do domingo moi pouco vistoso, fútbol moi directo e moi poucas ocasións de gol. Antes do comezo a directiva do Soneira quixo facerlle un agasallo ao xogador ceense Gabri que sufrira un forte golpe no partido da ida contra os Soneiráns. O propio Gabri xa recuperado, recolleu unha camiseta asinada por todos os integrantes do filial. No terreo de xogo, os xoves xogadores locais axudáronse da mellor condición física e de que os visitantes tan só eran 12 para gañar e puideron marcar algún gol máis a contra nos minutos finais. Os goles tiveron color coruñés, primeiro Mauro nun córner, de cabeza, e logo o cadete Aarón, tamén da cidade herculina, rematando un centro de Cristian Figueroa, daban os tres puntos aos vimianceses.

Independiente - Coristanco (1-2)

INDEPENDIENTE: Upi (Jonathan, min.14), Efren, Jorge, Rafa, Dani, Sande, Cholo, Gustavo, Brais, Juni e Héctor.
CORISTANCO: Pombo, Iván, Marcos, Óscar (Carlos, min.77), Germán, Sergio (Mallón, min.65), Luis, Arantón, Benítez, Pazos e Castro.
Goles: 1-0, min.20: Juni, de penalti; 1-1, min.30: Pazos; 2-1, min.35: Juni; 3-1, min.75: Juni.
Expulsións: Os locais Sande (min.25) e Cholo (min.40).
Lesión: O meta local Upi (min.14)

Vitoria merecida, traballada e máis que xusta para o Independiente liderados por un Juni que co seu hattrick deulle os tres puntos aos de Carballo que suman catro vitorias consecutivas. O equipo carballés tivo que superar os contratempos que se lle presentaron durante a primeira parte. No minuto 5 de partido os locais protestaron por un posible penalti por mans dun xogador coristanqués. Ao cuarto de hora, o seu porteiro Upi tería que retirarse do campo logo dun choque con Castro onde os dous quedaron batidos no chan despois de bater cabeza con cabeza pero a peor parte levouna o gardameta local que tivo que acudir ao centro médico debido a que se mareaba, o seu posto na porta foi ocupado polo xogador de campo Dani Rosalia. No minuto 20 adiantaríanse os carballeses por medio de Juni ao transformar un penalti feito por Germán sobre Cholo. Logo chegaría o segundo contratempo para os locais, Sande sería expulsado no minuto 25 por dicirlle algo a un contrario que o árbitro escoitou. Os visitantes empatarían no minuto 30 por medio de Pazos que aproveita un rexeite dentro da área. 5 minutos despois, o Independiente volveríase a poñer por diante e sería outra vez Juni ao aproveitar un erro da zaga coristanquesa. Pronto chegaría outro duro golpe para os carballeses xa que Cholo sería expulsado aos 40 minutos por protestar. E co 2-1 chegaríase ao descanso. A volta do tempo de lecer o dominio do xogo foi visitante pero sen excesivas ocasións claras tan só un tiro desde o medio do campo de Castro que detería Dani sen moitos apretos, un remate de Mallón coa cabeza e unha volea de Castro tras un rexeite que mandaría Dani a córner con moitos apuros. No minuto 75 Juni sentenciaría o partido nunha contra. E os carballeses aínda terían unha oportunidade para facer o 4-1 noutro contragolpe no que Ivi non resolveu ante Pombo.

Camelle - Cabana (1-2)

CAMELLE: Carlos Purrúa, Carlos de Dido, Adrián, Manuel, Mauri, René (Valiña, min.70), Varu (Iván, min.55), Sergio (Buri, min.80), Jose (Tedín, min.65), Mario e Barreiro.
CABANA: Añón, Eloi García, Jose, Fariña (Rubén García, min.66), Marcos, Sandro, Adrián (Pablo, min.73), Diego (Miki, min.72), Fernando (Pancho, min.86), Rubén Rama e Eliseo (Moreno, min.88).
Goles: 0-1, min.75: Miki, de falta; 0-2, min.80: Eliseo; 1-2, min.85: Mario, de penalti.

Tivo que sufrir e moito o Cabana para levarse os tres puntos do campo de Camariñas. Moitas baixas tiña Pablo Mallón e os xuvenís sacaron as castas do lume, os goles foron deles. O forte vento condicionou bastante o xogo e non houbo moitas ocasións de gol. O primeiro chegou a quince minutos para o final nunha falta lonxana de Miki, na que non estivo moi acertado o porteiro local. Cos locais volcados ao ataque chegou o gol de Eliseo nunha contra. O gol dos Camelle foi de penalti por falta a sobre Adrián, tan só quedaban cinco minutos e os camelláns non foron capaces de acadar o empate.

Alcaián - Montelouro (1-3)

ALCAIÁN: Rizos, Paris, Nando, Dani, Víctor Pazos, Portillo (Iván, min.70), Luisito, Tote, Roberto, Rubén e Daviciño (Nahuel, min.65).
MONTELOURO: Isma, García (Jose, min.80), Alvaro, Canelo, Geiko (Pablo, min.65), Teo, Chema, Raúl (Bolo, min.75), Edu (Denís, min.46), Pesco e Rico.
Goles: 0-1, min.12: Pesco; 1-1, min.50: Luisito; 1-2, min.65: Chema; 1-3, min.70: Denís.

Partido moi bo do Montelouro en defensa dende onde construíu a vitoria. Pesco abriu o marcador na primeira metade cun tiro raso cruzado dentro da área. Tralo descanso os locais empataron por medio de Luisito, que definiu nun barullo na área. Os de Louro repuxéronse ao gol e por medio de Chema, que rematou co pé no primeiro pau nun córner, e Denís, ao definir unha moi boa xogada de equipo, levouse os tres puntos dun campo complicado de puntuar.