Repasamos o acontecido no #fútboldacosta (o hastag xa comeza a funcionar para informarnos todos os amantes das nosas ligas) nesta fin de semana de 10 e 11 de marzo, non sen antes repasar as novidades da Federación sobre os ascensos, as propostas da Asociación de Clubes e as clasificacións das xa actualizadas Ligas de Fútbol Sala de Cee.

A xornada tiña un claro foco en Vimianzo, cun novo derbi costeiro na Preferente que rematou cun soso empate a 1. Ademais o Dumbría non podía co Mugardos facéndolle fraco favor aos soneiráns mentres que o Santa Comba vencía ao Boiro e volve mirar cara arriba.

Na 1ª, boas novas por unha semana, con vitoria do Ponteceso na casa, e empate do Cee ante o Estudiantil sumando o primeiro punto fóra de casa.

Xa na Liga da Costa todos os ollos miraban a Pedra Queimada. E o choque entre o equipo máis en forma e o líder non defraudou, e deixou un partido dos que fan afección, con goles, alternativas, xogo duro, para o disfrute dos moitos afeccionados que foron ao campo. Ao final, xusto empate a 2. O Camariñas volve coller confianza e venceu con solvencia no Conco e por detrás o Fisterra non puido superar a un sempre temido Corme. Os fisterráns sacan 1 punto ao Malpica, mentres que quedan a 7 desa 4ª praza os Baio (que gañaba sobrado o derbi), Muros (que superaba ao pechacancelas) e o propio Corme.
Por abaixo, a xornada era clave, e deixa ao Nantón máis afundido. Parece que houbo tormenta en Cabana e caían 0-3 ante o Buño, que lle permite escapar aos malpicáns e que deixa a 4 puntos da salvación ao Nantón. É agora o Corcubión, tras caer 1-0 e no último minuto en Verdillo, o que marca a salvación, pero empatado co propio Zas e co Mazaricos, pois o Castriz sacaba 3 puntos vitais do Pino do Val.

Na 3ª, a loita pola 6ª praza segue fervendo. O Carnota recuperou o liderato tras vencer ao Xaviña aproveitando o descanso do Outes. Queda agora con 2 puntos máis que os da Serra e 3 do Cabana, que vencía en Camelle, pero cun partido máis. A fenda entre a 3ª e a 4ª praza é clara, 8 puntos entre Cabana e Montelouro e Coristanco, que parecen case fixos nas quinielas para entrar entre os 6 primeiros. Pero a 6ª praza ferve. Cerqueda e Volantes loitarán ata o último día como demostraron hoxe, cun empate que demostra a igualdade total entre ambos.

Pola súa banda, os xuvenís tamén xogaron unha completa xornada intensa na Liguilla de ascenso. E con algunha sorpresa, como o espertar do Corcubión ante todo un Dumbría B. Queda agora só no liderato o Malpica, tras vencer e convencer ante o Baio. O Cee non pasou do empate ante o Soneira e queda 4ª. Por detrás xa o Corcubión, que non decae, e o Santa Comba que empata a 5 co Camariñas.

Preferente, xornada 27

1ª Autonómica, xornada 26

2ª Autonómica, xornada 26

3ª Autonómica, xornada 26

Liguilla Previa á Fase de Ascenso á Liga Galega Xuvenil, xornada 6

Copa da Costa Xuvenil, Gr.1, xornada 6

Copa da Costa Xuvenil, Gr.2, xornada 6

2ª Cadete, xornada 26

2ª infantil, xornada 26

Ligas de Veteranos, xornada 24

1ª División

2ª División

Nova relacionadas

• A Federación decide os ascensos e a Asociación de Clubes dá novos pasos.

Máis información

• www.futboldacosta.com.

Crónicas da semana

• Parte de sancións mirando aos ascensos.
• Fases Xuvenís: Unha liga interesante e dúas Copas mortas.
• 3ª Autonómica: Xornada atípica e con incertidume.
• 2ª Autonómica: Xornada apretada por abaixo.
• Preferente: Só suma o Xallas e o Santa Comba segue recuperando o tono.
• 1ª Autonómica: Empate técnico.
• Resultados do #futboldacosta na primeira xornada de marzo.

Máis novas

• Vídeo entrevista de Anxo Garrido co porteiro fisterrán Joselu.
• A SCD Malpica chega á Univesidade.
• Alberto Pose: Unha de formación dos formadores do fútbol da Costa.

Fonte

• Redacción de Deportes de QPC (deportes@quepasanacosta.gal).