1ª Autonómica: O Cee xa suma fóra da casa

1ª Autonómica: O Cee xa suma fóra da casa

08:05 12/03/12

Poucas veces dicimos este ano aquelo do "boa xornada na 1ª para os equipos da Costa". I é que está sendo boa, e proba delo é que o Cee sumaba o primeiro punto fóra da casa.. Non cambian moito as cousas así e todo para os ceenses que seguen a 12 puntos da salvación.
Pola súa banda, o Ponteceso vencía ante o Villestro, unha vitoria que case lle permite respirar sen necesidade de mirar cada semana cara abaixo.

Estudiantil - Cee (1-1)

CEE: Parroto, Nico, Luis (Moncho, min.65) Julio, Rafa, Fermin, Fer, Jorge (Carlos, min.79), Victor (Uri, min.87) Angel, Tasky (Diego, min.18)
Goles: 0-1, min.30: Angel; 1-1, min.52: Robinson.
Expulsión: por doble amarilla ao ceense Fer (min 42-46) e a un xogador local no 57.

Moi boa primeira parte do Cee que estivo moi ben plantado e foi superior ao Estudantil. O equipo local apenas tivo oportunidades do gol, aínda que a primeira ocasión clara do partido foi para eles, na que Parroto sacou unha man prodixiosa a tiro de Pepe que se prantou só diante del.
O Cee creaba perigo con Ángel, Víctor e Tasky. Un Tasky que tivo que saír do campo no min 18 despues de recibir un pelotazo na cara, que lle nublou a vista.
O gol chegaría nun saque de esquina que o porteiro non chega a coller e tras un rexeite o balón pega en Ángel e entra. Aínda tivo Victor unha boa opción para meter o segundo tras roubar un balon en campo contrario pero cando encaraba a porteria rival é molestado por un rival e o seu tiro despéxao o porteiro.

Na segunda parte, a expulsión de Fer por dobre amarela no minuto 1 condicionou o xogo ceense. Primeiro Chechu, en clarisimo fóra de xogo, atópase cun bo Parroto que para o balón. Na seguinte xogada un balon en longo sen aparente complicacion para Parroto cando estaba no chan para atallalo, o local Robinson quítalla das mans e marca o 1-1.

Quedaríase con dez tamén o Estudantil cunha arbitraxe moi tarxeteira, e a última media hora xa non tivo un dominador claro e apenas ocasións para os equipos.

Ponteceso - Villestro (1-0)

PONTECESO: Norberto, Rubén (Jorge, min.75), Fabián, Dani Pallas, Ramón, Pablo Vázquez, Tucho, Alberto Recarey, Borja (Puente, min.70), Mendieta (Alex, min.70), Luisete (Adrián Porteiro, min.80).
Gol: 1-0, min.43: Fabián de cabeza a un córner botado por Recarey.

Custou sacar adiante o partido, pero a verdade é que se puido sentenciar en máis dunha ocasión, e o partido tampouco perigou, sendo un resultado corto pero xusto. Na primeira tivo o Ponteceso varias ocasións como un lanzameto de Borja que deu nos 2 paos ou unha xogada de Luisete que non definiu diante do porteiro. Ao fío do descanso chegou o gol de Fabián de cabeza a un córner botado por Alberto Recarey, un dos xuvenís que xa forman parte do primeiro equipo, con Borja, Puente ou Jorge.

Na 2ª puido sentenciar de novo o cadro local, pero Recarey mandou ao poste de falta. Tamén fixo falta que aparecese Norberto que fixo un paradón, demostrando que sempre responde cando se lle necesita.