Catro ouros e un bronce para o CDM Piragüismo Dumbría en visperas da Copa de España de Mondariz. Menudo botín acadou a expedición costeira na 2ª Copa Galega de Slalom, celebrada en Mondariz Balneario esta pasada fin de semana. Unha proba que servía de ensaio xeral de cara a Copa de España que terá lugar no mesmo local no fin de semán os días 5 e 6 de abril. E a verdade é que non podía ter saído mellor os deportistas do CDM Piragüismo Dumbría, obtendo case que a metade dos triunfos individuais na proba disputada no Río Tea.

A proba empezaba con certa preocupación por parte dos clubes dado o escaso nivel de auga que levaba o rió Tea, o que fai que incluso se temera pola celebración da competición nacional de dentro de dez días. A día de hoxe parece que iso foi solventado gracias as últimas chuvias, e que a proba nacional decorrera no lugar previsto, ainda que o rio Ulla permanece coma opción de recambio en caso de que non se den as condicións necesarias na vila balenaria.

Gran actuación dos nosos palistas

En canto a actuación dos palistas de dumbría, Kiara Martinez e Antía Loira eran as que abrían o lume. Antía non ten rivales (literalmente) na súa categoría Senior Femenina, polo que básicamente compite contra ela mesma, ou incluso contra os deportistas masculinos para porse algún tipo de reto. Foi a gañadora en K1 e C1 Senior Femenino. Pola súa parte Kiara parece que se vai sobrepondo ós nevos das primeiras competicións desta tempada, e dominou a proba sin mais problemas que ter que un erro nunha porta que lle costou uns dez segundos. Mesmo así gañou con nove de ventaxa.