Fantástica a colleita que nos mandan dende o Desafío do Atlántico. Unha clasificación que vai ser tremenda ao longo dos anos, e que nestes dous primeiros xa está a ser tremendamente relevante: Quen subiu máis rápido a ascensión al Mirador de Ézaro?

Pois tendo en conta os dous anos de Desafío, é o moañés profesional Delio Fernández, do OFM-Quinta dá Lixa, o que marcou o pasado sábado o mellor tempo de ascensión ao Mirador de Ézaro, superando o rexistro marcado por Ezequiel Mosquera en 2013.

Delio Fernández completou a subida en 8 minutos e 39 segundos, polos 8 minutos e 50 segundos que necesitou Mosquera na primeira edición. Ezequiel volveu ascender Ézaro este ano pero fíxoo con peor rexistro: 9 minutos e 14 segundos. Tres resultados que con todo quédanse moi lonxe dos 6:47 de “Purito” Rodríguez na Volta a España 2012, aínda que ben é certo que nin a presión nin o ambiente teñen nada que ver.

Máis aló dos profesionais, destacou o tempo de Brandan Márquez, do Team Corbelo, que parou o cronómetro en 9:27. O pasado ano xa conseguira chegar o primeiro, pero esperou aos seus compañeiros de equipo para cruzar da man a liña de meta e non puido marcar un bo tempo. Pola súa banda, Pedro Esmorís, ao que lle cedeu Ezequiel Mosquera a Pedra do Brazal en 2013, baixou ata a sétima posición logo de non poder acabar a proba nesta edición.

Malia a súa condición de marcha cicloturista, que se manterá en próximas edicións, a subida a Ézaro segue sendo un reto de superación para todos os participantes. Un soño que moitos cumpren encima da bici ou empuxando a bicicleta. A forma non importa si se trata de alcanzar o Olimpo dos Heroes.

Cachoentrenos

É tal a dureza da subida ao Mirador que atopamos desafíos coma este de Cachoentrenos.

Novas relacionadas

• A épica marcou un Desafío do Atlántico pasado por auga.
• Arrinca o Desafío do Atlántico: “O Mirador do Ézaro é un monumento do ciclismo internacional”.
• 130 ciclistas disfrutaron da beleza das nosas estradas no II Trofeo Luso-Galaico
• Alfredo Relaño: “Non coñecía este emprazamento privilexiado ata que o ciclismo o ensinou ao mundo”.
• Dumbría, único concello costeiro no Circuito Provincial BTT.
• Dumbría subiuse á bici de montaña.
• Un 2014 sen Vuelta pero cun gran Desafío del Atlántico.
• A tregua meteorolóxica permitiu un espectáculo de primeira no Ciclocross de Dumbría.
• 2013: Volta a España con Final na Fin do Mundo.
• 2013: O tempo non foi Desafío abondo para o pelotón.

Fonte

• Redacción de QPC ([email protected]).
• Desafío del Atlántico.