As casualidades da vida son tremendas. I é que o clube soneirán de Tenis de Mesa, o Anorthosis Vimianzo, veñen de recibir un email dun dos responsables do Anorthosis Famagusta de Chipre, Julio Konnaris. I é que o chipriota descubría estes días a existencia do clube soneirán, inspirado no equipo chirpiota, e se puña en contacto con Stevo Lema, responsable do equipo da Costa, para intentar tratar de achegar posturas.

Konnaris manifestaba a súa admiración e agradecemento e xa invitou ao equipo da Costa a pasar unha fin de semana en Chipre e visitar o estadio, o museo, e ata xogar un partido contra o laureado clube, ademais de asegurar que vai enviar unha camiseta do equipo asinada polos xogadores.

O propio Stevo alégrase enerxicamente pola circunstancia e nestes días responderá a Konnaris devolvendo a invitación, pois sería tamén moi significativo traer unha expedición chipriota á Costa da Morte.

Un pouco de historia

O Anorthosis, fundado en 1911 e campión da Liga Chipriota en 13 ocasións, a última no 2007/2008, é un dos clubes históricos máis importantes do país. De feito, é o terceiro máis laureado e foi o primeiro en clasificarse para a Champions League. O significado de Anorthosis é "deportivo", pero a razón pola que o equipo soneirán se chama así non é por seren moi deportivos, que o son. Pois a historia do Anorthosis, así como a de todo o país, foi bastante convulsa.

A razón de que o equipo vimiancés se chame así ten case que 10 anos, tantos como o clube que estarán en breve de aniversario. Cando Paco e Stevo decidían daquela o nome do equipo, tiñan que desprazarse para adestrar e xogar a Baíñas dende Vimianzo (malia que a meirande parte dos 25 compoñentes do equipo son de Zas e a día de hoxe xogan en Zas o equipo ten base en Vimianzo). E nunha destas Paco enterábase de que o clube chipriota, en plena invasión turca, tivo que desprazarse numerosas veces do seu estadio para xogar, pois fóra clausurado por reivindicar a independencia chipriota.

Así, por esa afinidade, e porque a sonoridade da verba "Anorthosis" gustaba, o equipo soneirán leva ese nome. Unha casualidade que poder ter consecuencias simpáticas.

Resultados da Xornada de derbis

E xa indo ao deportiva, esta pasada fin de semana os equipos do clube Anorthosis Vimianzo enfrontábase entre si, colleitando estes resultados:

Resultados 2ª Galega. Grupo Centro. 12ª xornada

• CONCELLO DE ZAS ANGEPON - ANORTHOSIS VIMIANZO (3-4).

Encontro moi igualado entre os equipos de 2ª galega, 14 - 14 nos sets, xa que os xogadores coñécense moito por entrenar xuntos. Disputáronse partidos con xogadas moi bonitas e dándoo todo e coa rivalidade característica dun derbi. Ao final todos xuntos disfrutaron dunhas pizzas e comentando que sempre deberçian xogar con esta intensidade e ilusión.

Resultados 3ª galega. Grupo Noroeste. Xornada 10

• CONCELLO DE ZAS P TIVOLI - CONCELLO DE ZAS O PINAR (6 - 1).

Na 3ª galega neta superioridade do Concello de Zas P Tivoli, 18 - 7 nos sets, sobre o Concello de Zas O Pinar e onde se evidenciou que estes últimos aínda estan faltos de entrenamento e partidos.

Vindeira cita

Este fin de semana non hai liga federada. Pero todos terán unha concentración en Noia dentro do Programa de Deporte Escolar Xogade.

Máis información

• Clasificación da 2ª Galega. Grupo Centro.
• 3ª galega. Grupo Noroeste.

Novas relacionadas

• A Costa xa ten un campión galego de Tiro con Arco e dous terceiros.

Crónicas de tenis de mesa

• Anorthonis e Angepón miden as súas forzas para abrir a segunda volta.
• Boa xornada para pechar o ano para os equipos soneiráns de tenis de mesa.
• 2 vitorias e 2 derrotas para os equipos costeiros de tenis de mesa.
• O Anorthosis segue sumando e os filiais seguen formándose.
• A deportividade e as vitorias protagonizan a fin de semana do tenis de mesa costeiro.
• Anorthosis e Concello de Zas P. Tívoli suman novas vitorias.
• Case pleno de vitorias na fin de semana de tenis de mesa.
• Sorte dispar nos resultados de tenis de mesa para os equipos da comarca.
• Os equipos de tenis de mesa do Anorthosis mediron as súas forzas.
• O pinpon espállase pola comarca de Soneira.
• O pinpon volveu xuntarse en Zas no Torneo Ponciano Nieto.
• O Angepón consegue o ascenso á 2ª Galega.
• O tenis de mesa afiánzase como unha referencia na comarca de Soneira.

Outras novas

• Os arqueiros de Vimianzo quedan ás portas da Liga Galega.
• Martín Varela tamén gaña en Canadá e EEUU e segue camiño Londres 2012.
• Un día a dúas rodas pola Costa da Morte.
• Doble sesión de tenis de mesa costeiro en Corme e Oroso.

Fonte

• Redacción de QPC ([email protected]).
• Nota de prensa da A.D. Anorthosis Vimianzo, da man de Estevo Lema.