Empate amargo do Balomán Camariñas no seu debut na Liga polo título

18:35 18/01/11

Mentres as augas seguen convulsas no Balonmán Encaixe, o equipo masculino da vila conserveira mantén a boa liña. Esta pasada fin de semana debutaba na Liguiña polo título e acadaba un empate que lles soubo a pouco, pois os de Dioni Quenlle desperdiciaron unha vantaxe de 9 goles a 18 minutos do final, para rematar un inxusto penalti en contra que lles deu un empate co que non contaban aos do Viña Costeira Ribeiro.

Datos do encontro

Resultado: Boya Balonmán Camariñas, 29 - VIña Costeira Ribeiro, 29.
Conservas Boya: Lalá (p), Víctor (p), Diego Alonso, Felipe (7), Quin (5), Lorenzo, Moncho (4), Salva (2), Caamaño, Catalán (2), José Ramón (1), Xabi (3), Perón (3).

Así de fácil puxéronllo ao Ribeiro, unha baixada na concentración regaloulle un punto aos visitantes, que por merecemento, xa que nunca deron o partido por perdido, case logran os dous puntos. Tras un primeiro tempo equilibrado, con opcións para os dous conxuntos, o inicio do segundo tempo foi deomoledor por parte do Camariñas, logrando facerse cunha vantaxe no minuto 42 de 9 goles, borrando ao equipo visitante da cancha. Unha serie de imprecisións e individualidades estancaron con 25 goles aos locais aproveitando o Viña Costeira para achegarse no marcador e meterse no partido, os árbitros puxeron algo do seu parte, xa que excluíron en accións defensivas a 8 xogadores do Camariñas e a ningún dos visitantes. Os cambios tampouco melloraron a un equipo que aos poucos se foi vindo abaixo ata que quedou por baixo no electrónico 27-28. Un tempo morto, aínda que tardío, arranxou os papeis, poniendose o Camariñas a 5 seg. do final 29-28, pero un penalti inxusto deulle un empate aos ourensáns, que facía un cuarto de hora non contaban.