FSF: O Fisober meteuse no póker autonómico

FSF: O Fisober meteuse no póker autonómico

07:11 17/05/16

O Fisober a Copa AUtonomica de FSFO Fisober a Copa AUtonomica de FSF

Pechaba a Liga Autonómica o Fisober no Pavillón Municipal Monte Carrasco de Marcón. E facíao cunha vitoria que deixa as de Fran Toba na 4ª praza, con acceso á Copa Autonómica.

Liga Autonómica, Xornada 30

Resultado: LEIS MARCÓN “B” – FISOBER F.S.F. (0-4).
Fisober: Leti, Ana, Inés, Tamara, Myrella; tamén xogaron: Mai, Ale.
Goles: 0-1 Inés, 0-2 Mai, (descanso), 0-3 Marta en p.p. tras tiro de Tamara, 0-4 Inés.

Ale e Inés

Chegaban as costeiras cunha praga de baixas e cunha rotación moi curta para enfrontarse as pontevedresas tamén xustas de efectivos pero que tiraron de xogadoras habituais en partidos do equipo de Segunda División para completar a convocatoria. Saíron algo nerviosas as visitantes conscientes da importancia do partido e nin sequera un gol de Inés no segundo minuto de xogo as tranquilizou.
Co resultado a favor xa dende o inicio debían sacudirse os nervios pero non foi así. O partido estivo un pouco tolo e sen control por ningún dos dous conxuntos. Iso fixo que o partido tivera moitas ocasión para ambos conxuntos nesta primeira metade pero que ningún dos dous soubo materializar. A primeira metade estaba a ser moi igualada e o gol podía caer de calquera lado.
Ata que a piques de chegar ó último minuto Mai acadaba o segundo gol para o Fisober , chegándose ó tempo de lecer con cero a dous a favor das costeiras.

A volta de vestiarios pareceu saír máis sereno o Fisober, impedindo que as locais chegaran con tanta facilidade. En cambio o cadro costeiro buscaba un terceiro gol que lle dera a tranquilidade pero que non daba chegado. Ese terceiro gol chegou a dez minutos para o fin cando un lanzamento de Tamara intentou desvialo Marta quen marcaba en propia porta. Co cero a tres volveron a chegar as ocasións en ambas porterías pero non se moveu o electrónico ata que a pouco máis de dous minutos para o fin Inés facía o definitivo cero a catro.

Acababa así a gran tempada en Liga realizada polo Fisober F.S.F. superando as expectativas e rematando finalmente nunha moi meritoria 4ª posición, nesta Liga Autonómica igualadísima e de enorme nivel, cun conxunto no que boa parte das xogadoras chegaban do filial e debutaban na categoría. Facendo un 2016 enorme con 13 vitorias, 1 empate e tan só as 3 derrotas seguidas no mes de abril. Agora tocará esperar a ver con que sistema se disputará a Copa para poñer fin a tempada.