Muxía acolle un espectacular Torneo de Xadrez
Este sábado 27 de abril de 2012, terá lugar no Concello de Muxía, o "2º Torneo de Xadrez Concello de Muxía coa Igualdade", valedoiro para o VII Circuito de Xadrez Promoción 2012. Nesta festa deportiva, que se prolongou o longo de toda a xornada, participaron un total de 127 deportistas distribuídos nas categorías de sub 8, sub 10, sub 12, sub 14 e absoluta (maiores de 15 anos).
Nesta ocasión, a intención da organización, é superar este número de participantes mantendo a filosofía coa que naceu este tórneo na Vila da Barca. A promoción do xadrez na bisbarra segue a ser o noso principal obxectivo, xunto co fomento da participación feminina, pois consideramos o xadrez, polas súas vantaxes psíquico físicas e sociais, un medio ideal para conseguir esta mellora na participación paritaria.
Ruta e encaixe
Trátase dunha visita numerosa así que a vila trata de engalanarse para acollela. A pesar de que a resposta do empresariado non foi a máis axeitada (a falta de miras é lamentable), a organización, da man de Santi Dominguez, preparou unha ruta guiada polos lugares de interese da Vila, como o o museo e a praza do voluntariado en honor aos voluntarios da catástrofe do petroleiro Prestige, os secadoiros de congro, o Santuario da Nosa Señora Da Barca, os restos da barca de pedra na que a virxe se acercou a Muxía, a Pedra de Abalar e a pedra máxica dos Cadrís que cura o mal das costas, a Fundación e a casa do poeta muxián D. Gonzalo López Abente, ademais de puntos de interese paisaxístico e cultural do pobo.
Durante o desenvolvemento da competición poderase apreciar a artesanía muxiana nos distintos postos de información que se disporán para goce dos asistentes.
Grandes xogadores
C ómpre destacar a presenza do Gran Mestre de Xadrez Iván Salgado, actual Campión iberoamericano de xadrez e Campión universitario, e o tamén Gran Mestre de xadrez David Lariño, que participarán na presentación do torneo xunto coas responsables do Centro de Información a Muller do Concello e o Señor Alcalde de Concello de Muxía Don Félix Porto Serantes.
Haberá trofeos artesanais para os cinco primeiros clasificados de cada categoría. Todas as actividades que conforman a xornada serán de carácter totalmente gratuito.
