A solidaridade invadirá o campo de fútbol da Rocheira de Coristanco o vindeiro sábado, 6 de agosto. O obxectivo dos organizadores, que corre da man da concellería de Xuventude e Deportes do concello de Coristanco, é recoller o máximo posible de productos non perecedeiros para despois repartilos entre os veciños e veciñas máis necesitados do municipio. Na entrada do campo recolleranse os productos doados polos asistentes - mínimo dun quilo por persoa -. Nesta iniciativa particpan o SD Coristanco, Dumbira CF, SD Ponteceso, Agualada Veteranos e Veteranos Ponteceso. Ás 1o horas, os infantís do SD Coristanco xogarán contra os do Dumbria CF. Ás 12 horas será o turno dos xuvenís do SD Coristanco contra o Dumbría C.F. Xa pola tarde, ás 17 horas, xogará o equipo local contra os de Ponteceso. E a xornada remata cun partido entre os veteranos de Agualada e os de Ponteceso. Fonte

• Redacción QPC (info@quepasanacosta.com)