Os arqueiros do Dousxsetenta con Miguel Alvariño Yago e Paula na lista de campions galegos do ano pasado con Santi Soneira

Boas novas para os arqueiros costeiros, que este pasado sábado se desprazaban ata As Somozas. Unha boa representación de arqueiros/as do Club Dousxsetenta de Vimianzo para participar no Trofeo Federación Galega – Xunta de Galicia de Sala. Este torneo é a previa do Campionato Galego que, aínda que non ten data definitiva, previsiblemente se celebrará en xaneiro de 2016.

E antes de empezar, atopáronse con dúas agradables sorpresas:

A primeira é que na liña de tiro había dous grandes carteis cos nomes dos campións galegos do ano 2015. Neles atopábanse dous arqueiros do club vimiancés: Yago García, campión benxamín; e Paula Pérez, campiona benxamín; emais un nome baiés Su A Agra, o de Santi Soneira, campión galego na modalidade de arco espido.
Xunto aos seus nomes podíanse ler outros coma o de Miguel Alvariño, actual Campión de Europa nos Xogos de Bakú, e recente Campión na Final da Copa do Mundo celebrada en México. Tamén aparecía Iria Grandal, membro do equipo español nos Xogos Olímpicos de Londres.

A segunda sorpresa da xornada foi que na instalación atopámonos con Miguel Alvariño, que se prestou a facer unha foto cos pequenos do club. A pesar dos grandes éxitos acadados por este deportista, non perdeu a súa humildade e cercanía. Todo un exemplo para os nosos pequenos arqueiros/as.

Bos resultados

A Somozas acudimos con 10 arqueiros/as repartidos nas categorías Esquío (2007-2008), Benxamín (2005-2006), e Alevín (2003-2004). En categoría Esquío competiron Anxo Trillo, que acadou a segunda posición; Dylan Ramírez, terceiro clasificado; e Sergio Platas, 5º clasificado. Na categoría Benxamín masculina Yago García (actual Campión Galego) foi terceiro, mentres que Samuel Blanco acadou a cuarta posición. En Benxamín feminino María Lema proclamouse campiona do torneo, mentres que Paula Pérez (actual Campiona Galega) foi segunda. Cabe destacar que María Lema pertence á categoría Esquío pero participou na superior, xa que na súa non hai máis arqueiras que ela. Na categoría Alevín masculina Marcos Esperante proclamouse campión do torneo, demostrando o seu bo momento de forma, mentres que Rafa Martínez acadou unha meritoria 5ª posición con moi boas sensacións. En féminas a única representante do club, Laura Ramos (actual Subcampiona Galega), non tivo un bo día e só puido ser cuarta a pesares de recuperarse dun mal inicio e facer unha segunda tanda moi boa.

Anxo e Dylan, dous dos vimianceses que conseguiron subir ao podio

Novas relacionadas

• Os pequearqueiros soneiráns seguen dando na diana.
• Arqueiros con medalla municipal.
• Santi Soneira, 5º mellor arqueiro desnudo de España.
• O baiés Santi Soneira, Campión Galego de Tiro con Arco.
• Os pequearqueiros de Vimianzo triunfaron no Campionato Galego.
• Unha homenaxe virtual aos outros deportes da Costa da Morte.
• Os arqueiros de Vimianzo aproban con nota o previo ao Campionato Galego de Tiro con Arco en Sala.
• Os pequearqueiros de Vimianzo demostraron o seu potencial no Campionato Galego.
• Os miniarqueiros de Vimianzo con arcos novos.
• As miniarqueiras irmandiñas de Vimianzo seguen crecendo.
• Vimianzo ten canteira de arqueiros.
• A Costa da Morte envía aos seus mellores xogadores de Dardos ao Campionato Galego.
• Os arqueiros de Baio e Vimianzo cólanse entre os mellores de Galicia.
• Vimianzo volveu sacar os arcos de Dousxsetenta en Silleda.
• Retrato de dúas familias de arqueiros.

Fonte

• DousxSetenta.