Están que non paran os adolescentes de Muxía. Acaban de comezar unha serie de actividades deportivas que os manterá en forma durante este mes de agosto.

Por un lado, este luns 5 de agosto, dou comezo o Curso de vela e Kaiak do Concello de Muxía. O curso estenderase o longo de todo o mes, e os 50 cursillistas inscritos que gozarán do deporte da vela, repartiranse en catro quendas de una semana de duración cada unha. As clases impartiranse en horario de mañá de luns a venres.

E por outra banda, este martes 6 de agosto, outros 50 rapaces de idades comprendidas entre os 8 e os 12 anos, abren o Curso de deportes de aventura. Este curso de dous días de duración (seis e sete de agosto) oferta actividades tan atractivas e divertidas como a tirolinaextrem 300 metros , torre de escalada, ponte tibetana, piragua, tiro con arco, rappel, liga de paintball, xogos, etc..

Os dous días seguintes (oito e nove de agosto) tócalle o turno a vintasete xoves de idades comprendidas entre os trece e os dezaoito anos. Este grupo gozará das mesmas actividades pero máis complicadas e adaptadas a distintas idades, ademais de pasar a noite no centro de turismo activo.

Novas relacionadas

• O Porto Deportivo de Muxía abre polo verán.
• Programa de Verán do Concello de Muxía.

Fonte

• Concello de Muxía.