Arrinca a tempada de vela 2014 para a familia do Club Marítimo Carrumeiro. Pero non será esta fin de semana. Se a vindeira semana coñeceremos o novo programa "O Mar Na Escola 2014" / "Xogando co Vento", ese proxecto pioneiro en toda Galicia que leva os deportes acuáticos ao programa de estudos en horario escolar, a primeira proba do circuito galego se retrasa.

Pero a familia do Clube Marítimo Carrumeiro xa está adestrando, cando os temporais llo permiten. De feito, o equipo de Regatas de clase Optimist íase desprazar esta fin de semana ao Liceo Casino de Vilagarcia, para participar na Copa Galicia, a primeira proba do curso. Pero esta quedou suspendida por causas evidentes.

Ata alí irán os optimist de Paula Trinidad Leo (co As Hortensias), de Iosune Muiño Bermúdez de Castro (co Raio), Nicolás Toba Quintero, Tomas Ferreiro Santos, Ignacio Rodríguez Coronilla, Jesús Romeu García (co Grupo Insua), e de Juan Carlos Beiro Ezara (co Praia de Quenxe).

Calendario de Regatas 2014

• Febreiro 8/9 "Copa Galicia" Liceo Casino Vilagarcía.
• Marzo 1/2/3 "Campionato Galego" R.C. N de Portosín.
• Marzo 29/30 "Regata Clasificatoria" R. Club do Mar de Aguete.
• Abril 26/27 "Regata Autonómica" Club Náutico de Canido.
• Maio 17/18 "Regata Clasificatoria" R.C.N de Vigo.
• Setembro 13/14 "Regata Clasificatoria" R.C.N de Sanxenxo.
• Outubro 4/5 "Regata Clasificatoria" R.C.N da Coruña.

Novas relacionadas

• 10-09-13: A ría de Corcubión vivíu unha intensa fin de semana veleira.
• O Mar na Escola 2013: Máis de 130 escolares difrutaron un ano máis do Mar nas horas lectivas.

Fonte

• Nota de prensa do Club Marítimo Carrumeiro.