Despois de facer un reaso á xornada do xoves, analizamos a xornada do #futboldacosta deste 8 e 9 de decembro de 2012.

E comezamos por unha mala xornada para os nosos na Preferente. O Xallas de Santa Comba deixábase sorprender en Fontela ante o Sada e deixa pasar ao Laracha á 3ª praza así como deixa escapar aos de arriba. Agora os xalleiros empatan co Dumbría a 25 puntos tralo traballadisimo empate dos de Canosa en Viveiro, cunha arbitraxe que remataba coa histórica expulsión do delegado Manolo. O Soneira volvía de baleiro de O Páramo.

En 1ª, a xornada foi dispar. Onte abría a xornada o Fisterra con goleada que o ascende á 10ª praza. Pola contra, o Ponteceso caía na casa ante o potente Arzúa e queda ao fío do descenso. O Camariñas sumaba un puntiño moi valioso ante un Estudiantil que chegaba líder ao Hermanas Patiño pero a forza camariñá conseguiu sacar un bo empate. E o Malpica volvía sen premio de Lamela e deixa escapar aos de arriba.

A xornada na Liga da Costa deixa a parte alta apretada. Se ben a Esteirana, trala apretada vitoria de onte ao Outes, saca 6 puntos de vantaxe, o grupo perseguidor está apretado. 3 equipos con 32 puntos: o Cee, que por fin atopada o bo xogo; o Baio, que non pasaba do empate ante un Carnota que segue a tiro; e o Sofán, que non se despega de loita e volvía de Muros con 3 puntos e 3 goles.
Por detrás, xa a 5 deste grupo, outro grupo de equipos, co Corme que non pasaba do empate en Mazaricos; o Zas, que sacaba 3 puntos de Agra da Filgueira acentuado a crise do Montelouro; e o propio Carnota.
Por abaixo, o Dumbría B non levanta cabeza e caía ante un Castriz que saca 3 puntos vitais. O Cabana e o Outes seguen con 11 puntos, e o con 15 están o Montelouro e o Mazaricos. O Buño galoulle a partida ao Corcubión e o adianta, formando un grupo de equipos, co propio San Lorenzo que vencía ao Volantes, que non se poden despistar.

A xornada da 3ª Autonómica fixo sufrir ao líder, o Porteño que tras coñecer que suma os 3 puntos do partido suspendido co Lira da semana pasada, non pasaba do empate en Camelle. I é que o derbi camariñán chegaba cos dous en todo o alto, e foi un partido intenso, pero sen demasiado fútbol, xa que o Rodeiro en pleno inverno non permite florituras. Ademais, o Independiente tamén sufría para vencer, con 10 e pola mínima, a un Coristanco en plena marexada. Descansaba o Cerqueda e os que veñen por detrás, Soneira B e Lira (hai que restarlle 2 puntos pola sanción nas nosas táboas) empataban a 2.

En Xuvenís, polo norte o Dumbría ponse de líder tras vencer en Cee, e deixa aos de José Carlos tocados, a 4 puntos do Xallas de Santa Comba. Un XSC que completaba a mala fin de semana derrotado con claridade en Mazaricos. Outro que completa o trío de arriba, o Fisterra, volveu pecar de relaxación e sufríu para vencer ao Outes.
Polo Norte o Ponteceso segue intratable e marcou 8 goles ao Laxe. O Malpica non perdoaba en Coristanco, pero o partido da xornada xogábase o xoves e o Cabana alonxou ao Baio dos 3 postos de acceso á Liguiña Previa.

Preferente, xornada 16

1ª Autonómica, xornada 15

2ª Autonómica, xornada 15

3ª Autonómica, xornada 15

• Descansa Cerqueda.

Ligas Xuvenís, Gr.4, xornada 15

Ligas Xuvenís, Gr.4, xornada 15

Liga Galega Cadete, xornada 13

Liga Galega Cadete, xornada 14

Liga Galega Infantil, xornada 14

Liga Galega Infantil, xornada 15

1ª Cadete, xornada 7

1ª Infantil, xornada 12

• Descansa Cabana.

Ligas de Veteranos, xornada 13 (horarios sen confirmar)

1ª División

2ª División

• Descansa Agualada.

Máis información

• www.futboldacosta.com.

Artigos deportivos

• Entrevista de David Castro con Borja Facal, un dos mellores laterais da 3ª División.
• Vídeo entrevista de Anxo Garrido con Dani Rosalía.

Máis novas

• A Cherinkas e Carrillas Esteiro propoñen Maratóns para o Nadal.

Crónicas da semana

• Comezaba a xornada a golpe de empate.
• Xuvenís: Xornada incompleta.
• 3ª Autonómica: O IDC pasa unha das probas de lume.
• 1ª Autonómica: Peor imposible.
• 2ª Autonómica: A letal Esteirana é máis líder tralo tropezo do Sofán no desterro.
• Preferente: Empate e os 3 entre os 6 primeiros.
• Resultados da primeira fin de semana de decembro no #futboldacosta.

Fonte

• Redacción de Deportes de QPC (deportes@quepasanacosta.gal).