Nova xornada completa de fútbol costeiro desta volta marcada polos brazaletes negros trala morte do muradán Dani Parroto a pasada fin de semana.
A nova da xornada foi o ascenso do Corcubión, que onte vencía ao Muxía, e pon fin á 3ª da Costa a falta de unha xornada. Ademais, o Nantón deu un paso cara o título e vencei no Pino do Val ao Mazaricos por 0-2.
Na 1ª Autonómica a cousa segue con cor costeira. E iso que Cee parece que se descolga, trala súa derrota nun partido clave ante o Unión no que foi gañando moitos minutos. Os de Pato quedan a 5 puntos de Dumbría e Xallas, que vencían e seguen líderes da 1ª. Os dumbrieses venceron con comodidade ao Zas e o Xallas gañou ao Imperátor por 3-0, que lles permite seguir mandando na Liga e sendo os máximos favoritos ao ascenso.
Na Liga da Costa, a atención céntrase na zona de abaixo trala derrota do Camariñas (coa vitoria o Buño escapa da zona perigosa), que deixa o camiño libre ao Ponteceso cara o título.
Por abaixo as cousas están moi apretadas. Corme e Baio empataron e non poden quedar tranquilos. Os que sumaron foron os xogadores de Gerpe do Porteño que venceron en Castriz con dous penaltis nos últimos minutos. Queda moito por decidir entre estes e equipos e o Carnota que non se rinde, e que sumará 3 puntos xa que o Vimianzo non se presentou.
Tamén se disputou a ida dos Cuartos da Liga Xuvenil con encontros moi igualados.
Veteranos
Xa rematou a intensa Liga de Veteranos. O Bergantiños volve gañar a Liga, mentres que por abaixo descenden Camariñas e Atl. Milagrosa.
Os que ascenden de 2ª División son o San Lorenzo e o Buño.
Agora xa pensan na Copa da Costa de Veteranos 2011.
