Venres. 29.03.2024
El tiempo

2ª Autonómica: A loita segue aberta por abaixo

2ª Autonómica: A loita segue aberta por abaixo
Nova semana de Liga da Costa. Ponteceso e Camariñas seguen ao seu, con eses 6 puntos de vantaxe entre eles e cos 10 que o Camariñas ten sobre o Sofán, 3º clasificado. Precisamente o equipo de Baña protagonizaba unha das vitorias da semana ante un Club do Mar que está desenxando que remate o campionato a xulgar polos últimos resultados. O Muros non quere deixar a batalla pola 3ª praza e xa é o candidato a loitarlla so Sofán tras vencer en Corme e complicarlle a vida aos de Suso da Torriña. I é que a atención céntrase na zona baixa. O Carnota vencía nada menos que o Dumbría B, que levaba unha segunda volta do mellor da Liga. Ponse así o equipo de Nito a 2 puntos do Porteño, intentando librar do posto de descenso directo. Os de Gerpe non podían co Ponteceso e sufrirán para manter esa 3ª praza por abaixo confiando en que o Camariñas ascenda tamén á 1ª. Os que aínda non se poden durmir son Corme e Baio, que están a 6 puntos do Porteño e pode que un estiron dos Porteño e Carnota os meta en verdadeiros apuros.

Sofán - Club do Mar (3-2)

  • Sofán: Miniño, Adrián (Roberto Souto, min.70), Juanjo, Pensado, Juanjo Rabuñal, Alemán, Mario, Diego (Jacobo, min.60), Luis (Manuel Varela, min.86), Bertín, David Pensado (Gende, min.80)
  • Club do Mar: Iván, Chori, Chechu, Juan Lareo, Fran Borrazás, Corral (Tonecho, min.77), Mariano, Alberto, Repi, Jacobo, Brais (Piñeiro, min.77)
  • Goles: 0-1, min.15: Repi de falta cun rebote; 1-1, min.20: David Pensado tras un saque de banda peinado; 1-2, min.55: Jacobo tras un centro de Chechu; 2-2, min.65: Mario dende fóra; 3-2, min.80: Roberto Souto de cabeza.
  • Expulsión: a Chan, del Club do Mar dende o banco.
Partidazo no Carral entre dous dos aspirantes á 3ª praza ante case que 300 siaireiros das dúas afeccións. Foi un partido de constantes alternativas, tanto no marcador como nas áreas. E finalmentes os 3 puntos quedaron en casa. E iso que Miniño tivo que volver poñerse de novo baixo paos, demostrando unha solvencia inusual nun defensa. O partido comezaba con moita loita no medio campo. Abriu o marcador o equipo de Repi cunha falta de rebote, pero de contado David Pensado puxo o empate tras un saque de banda. O propio Pensado entraba pola banda pero non conseguía conectar con Bertín. Jacobo puxo de novo por diante aos caioneses na segunda metade, pero a alegría volveu durar pouco, pois Mario puña a igualada. O encontro continuaba intenso e pouco vistoso, e non se decidiu ata que Roberto Souto remataba de cabeza para deixar os 3 puntos que mantén ao cadro de Baña na 3ª praza.

O Pindo - San Lorenzo (3-2)

  • O Pindo: Diego Garrido, César, José Express, Juan de Dios (Rivas, min.20), Mateo, Julián, Piquero, Pulpo, Víctor (Ángel, min.85), Aitor, Rafa (Diego León, min.70)
  • San Lorenzo: Sergio, Iván Rey, Adrián, Álex, Puñal, Anxo, Marcos (Eloy min. 60), Cachizo, Jorge (Quillo min. 65), Adrián, Fuente, Javi.
  • Goles: 1-0, min.25: Víctor tras unha xogada de Aitor; 2-0, min.65: Aitor, de penalti; 2-1, min.80: Quillo; 3-1, min.92: Aitor, de penalti; 3-2, min.95: Cachizo.
  • Expulsión: Mateo, do Pindo (min.55)
Importante vitoria do Pindo que di adeus ao risco de descenso. Os de Sil superaron a todo un San Lorenzo que chegaba escaso de efectivos pero que prantou cara e mandou no encontro por tramos. A primeira metade non foi de moito xogo. Tan só Víctor foi quen de abrir o marcador tras unha boa xogada de Aitor. O San Lorenzo tomou as rendas do encontro e veus e arriba. Pero en fronte estaba Garrido para impedir calquera intento de empate. Na segunda metade o partido rompeuse. A distancia entre liñas deixaba ocos en ambos bandos pero o Pindo estivo máis fino. Aitor marcaba de penalti pero o San Lorenzo non daba por perdido o encontro, como o demostrou ata o último gol, xa con 5 minutos sobre o tempo engadido, que só serviu para recurtar distancias.

Dumbría B - Carnota (0-1)

  • Dumbría B: Anxo, José Carreira, Sergio Cives, David Carreira, José Manuel, Jesús (Samuel, min.70), Fernando (Pablo, min.75), Ramiro (Pablo Lestón, min.46), Tantán, Ivanete (Pablo Muíño, min.46), Miguel Poyo.
  • Carnota: Peipo, Urko, Nico Capitán, Pedro, Adrián, Andrés Pato, Demetrio (Manolo Chouza, min.60), Brea (Pumuky, min.60), Tono da Caixa, Manuel Luis (Óliver, min.70), Pablo Beiro.
  • Gol: 0-1, min.5: Andrés Pato, de penalti.
  • Expulsión: o carnotán Manolo Chouza (min.80).
Sorpresa no Conco, no que o Carnota sacou 3 puntos ante un Dumbría B que é a revelación da segunda volta. Os de Nito sumaron unha vitoria que o achegam e moito ao Porteño, na loita por esa 3ª praza por abaixo que podería supoñer a salvación sempre que o 2º da Liga da Costa ascenda á 1ª. Un penalti inicial cometido por Andrés Pato e provocado por Pablo Beiro, foi o único capaz de modificar o marcador. A partir de aí os carnotáns replegaron filas e loitaron como xabatos para manter a vantaxe. Con todo, numerosas ocasión tiveron os locais, polo que un empate podería ter sido algo máis xuto visto o visto no céspede dumbriés.

Vimianzo - Camariñas (2-6)

  • Vimianzo: Sergio, Suso, Amarelle, Iván de Treos, Maikol, Sergio de Quintáns, Martín, Lagoa, Iván de Baiñas, Pose (Pablo, min.24) e Sergio Vilaseco.
  • Camariñas: Pombo, Peski, Josiño, Breo (Nico, min.71), Mickael, Moriño, De La Sierra, Javi (Gabi, min.85), Adrián Negro (Brais, min.34), Juan “O Bello” e Mané (Antelo, min.81)
  • Goles: 1-0, min.9: Iván de Treos; 1-1, min.19: Mané; 2-1, min.30: Lagoa, de falta; 2-2, min.72: Mané; 2-3, min.77: Javi; 2-4, min.82: Javi; 2-5, min.85: Juan “O Bello”; 2-6, min.88: Juan “O Bello”.
Tivo que emplearse a fondo o Camariñas para desfacerse do colista e ao final acabou goleandoo cando os vimianceses tiraron a toalla nos minutos finais. Abriu o marcador o capitán local, Iván de Treos, ao marcar onde máis dano fai, de cabeza e no primeiro pau tras un córner. Non tardaron moito en empatar os visitantes por medio de Mané. A media hora e tirando dos balóns parados, O Vimianzo volveuse adiantar por medio dunha falta lanzada por Lagoa. Tralo descanso, o guión seguía sendo o mesmo, o balón era dos camariñáns, pero que circulaban con moitos problemas e non creaban claras ocasións de gol. No minuto 72 Mané colle un balón no punto de penalti regatea a un contrario e ao meta e marca a porta valeira. Pouco despois Javi rematou de cabeza, case sentado no campo, un balón de córner. De aí ao final os visitantes sentíronse máis cómodos e acabaron goleando. Javi remataba un centro de Brais a porta valeira e logo Juan “O Bello” poñería a puntilla con dous golazos, o primeiro collendo unha volea tras un córner entre o borde da área grande e o punto de penalti que se colou con moita forza por toda a escadra e pouco despois cun lanzamento maxistral de falta.

Porteño - Ponteceso (0-2)

  • Porteño: Asiel, Rubén, Pejo, Roi, Brais, Piti, Quilmes (Oscar, min.40), Iago, Iván (Tajes, min.45), Ismael, Cousilllas. Tamén xogaron: Martín e Currás.
  • Ponteceso: Norberto, Fabián, David, Dani, Pablo Vazquez (Pitu, min.65), Bolón, Luisete, Toniño (Miguel Torrado, min.75), Alfredo (Velo min..55), Nando (Tucho,min.55), Charro (Adrian, min.55) .
  • Goles: 0-1, min.40: David; 0-2, min.60: Luisete.
Pouco inquedou o Porteño ao todopoderoso Ponteceso. Que xa comezaba con 3 boas ocasións na primeira, sobre todo cun Luisete inspirado. David abriu a lata antes do descanso e o propio Luisete sentenciou no 60. A mellor nova foi a protagonizada por Miguel Torrado, que volve aos terreos de xogo.

Corme - Muros (0-3)

  • Corme: Susiño (Javi, min.80), Adolfo, Alejandro, Pandi (Pipo, min.75), Lelo, Martinciño, Martín (Abel, min.55), Lentejo (Felipe, min.70), Iago, Lucas, Joshua (Diego, min.85)
  • Muros: Lupi, Iván Cerilla, Manu Dosil (Gabo, min.70), Gael, Mayuyo, Varito, Martín (Gelo, min.60), Bibi, Miguel Riveiro (Gabi, min.75), Sexo (Iaguiño, min.85) e Toni (Óscar Maema, min.60).
  • Goles: 0-1, min.55: Bibi, de disparo axustado ao pau; 0-2, min.65: Óscar Maema, de cabeza logo dun centro de Sexo; 0-3, min.75: Óscar Maema, fusilando de volea dentro da área.
Comezaba o partido no Cairo cos dous equipos dormidos e sen moita intensidade, con moito centrocampismo e sen apenas ocasións de perigo por ningún bando. Neses primeiros 45 minutos chegaba algo máis o Corme aproveitándose da velocidade dos seus home de arriba e que contaba co vento a favor pero sen concretar ocasións claras polo que chegábase ao intermedio sen goles. Na segunda parte o Muros saeu máis decidido a ir a polo partido e adiántouse bastante cedo gracias a un bo gol de Bibi. A partir de ai o Muros dominou o partido con claridade e os xogadores que entraron dende o banco aportaron frescura fronte a un Corme que xa notaba o cansancio dos xuvenís logo do partido de copa do sábado. Dende o ecuador do segundo periodo ata o final destacar ao aínda xuvenil muradán Óscar, que anotaría dous fermosos goles para sentenciar definitivamente o encontro. Tivo o Corme unha ocasión para maquillar o marcador nos últimos minutos logo dun disparo de Iago que chegou a tocar o pau da porteria de Lupi.

Esteirana - Baio (2-1)

  • Esteirana: Ramón, Chispi, Dani Rama, Damián Suizo, José Varela (Fran Maceiras, min.65), Picholeiro, Uru, Simón (Adelino, min.80), Álex (Godo, min.70), Andel (Cajulo, min.80) e Iago.
  • Baio: Poyo, José Antonio, Mario, Diego Díaz, Andrés, Matías, Alberto (Bieito, min.50), Martín, Pirucho (Pablo xuv, min.20), Canai, MC (Martinciño, min.60)
  • Goles: 1-0, min.30: Álex a pase de Simón; 2-0, min.70: Andel de córner directo; 2-1, min.85: Martín.
Xa está na zona media o equipo esteirán tras vencer ao Baio. E o fixo con calidade e dous tantos de bella factura. Na primeira unha internada de Simón foi ben finiquitada por Álex para dar vantaxe aos locais. O Baio, con moitas baixas e moitos xuvenís sobre o céspede, intentouno pero non foi quen de empatar. Aumentaba a renda Andel de fantástico gol olímpico, e o veterano Martín recurtaba xa contra o final pero sen demasiada confianza no empate.

Fisterra - Malpica (1-0)

  • Fisterra: Joselu; Juan, Piti, (Roberto, min.70), Nico, Senra, Roco, Roa, (Bruno, min.91), Tati, Martín, (Guardiola, min.60), Dudo, Manoliño.
  • Malpica: Suso; Víctor, Marcos Amado, Iago, Marco, Eloy, (Manu Pardo, min.70), Neucha, Casais, (Charly, min.65), Cheo, Andrés, Ismael, (David Blanco, min.46).
  • Gol: 1-0, min.72: Roa chuta escorado polo pao corto e sorprende a Suso tras un pase de Nico.
Chegaban os dous clubes con rachas positivas e foi o Fisterra o que a mantén. O equipo de Nico saíu a por todo en Ara Solis como se dunha final se tratase. O Malpica aguantaba como podía mantendo unha liña defensiva seria e firme. Dudo, Roa e Manoliño por un bando e Necuha e Cheo polo outro creaban perigo. Joselu e Suso anulaban as ocasións. Na segunda baixou o ritmo pero o dominio seguía sendo local. Así e todo o gol chegou tras un erro defensivo que permitiu roubar un balón ao xogador-adestrador Nico para impulsar a Roa cara a meta visitante.

Buño - Castriz (1-1)

  • Buño: Añón, Ángel, Diego, Pancho, Oscar, Fernando, Emilio (Fran Martuxa min.60), Dourado (Mendieta, min.55), Juan, Rubén (Berti, min.70), Víctor.
  • Castriz: Pejo, Chinda, Álex (Rubén, min.85), Toniño, Dani, Alberto, Mauri (Bruno, min.60), Sebas (Ovidio, min.70), Cili (Suso min.55), Noli, David Brenlla (Martín, min.75).
  • Goles: 1-0 min.25: Fernando; 1-1 min.35: David Brenlla.
Partido igualado en Xaviña no que o reparto de puntos puido ser o resultado máis xusto. Fernando adiantou aos de Pablo Mallón no ecuador da primeira pero pronto David Brenlla puxo no marcador unha igualada que xa non se movería.

Máis información

Novas relacionadas

Artigos relacionados

Máis novas

Fonte

Comentarios