3ª Autonómica: O Coristanco non deixa escapar o ascenso

19:50 21/03/11

A 3ª praza de ascenso mantén aínda a incertidume na 3ª da Costa. O Coristanco, 4º clasificado, continúa acechando ao Corcubión, pero a falta de 2 xornadas son 4 puntos de diferencia entre ambos. Vantaxe que pode ser suficiente para cerciorar o ascenso a vindeira semana. Se os de Manín gañan ao Muxía, o Corcubión será matemativamente equipo da Liga da Costa.

Muxía - Alcaián (2-0)

MUXÍA: Angl Luís, Josiño, Chori, Chans, Alvaro, Dani, Dimas Leivnha, Sancho (Javi, min.46), Fran Pioto, Fran Gemelo (Alberto, min.46), Oscar Canario (Martiño, min.46)
ALCAIÁN: Herrera, París, Iván Souto (César, min.67), Dani, Víctor, Iván Castro, Luisito, Pio (Portillo, min.88), Pablo Framil (Javito, min.72), Daviciño e Toñito (Bruno, min.40)
Goles: 1-0, min.15: Dimas Leivinha; 2-0, min.30: Dimas Leivinha.

Partido con pouco ritmo e poucas ocasións de gol no que dous goles de Dimas lle deron a vitoria ao equipo local. Aos quince minutos o muxián remataba un centro de Sancho e a media hora coa cabeza metía o definitivo 2-0 tras un centro de Fran Pioto.

Nantón - Corcubión (2-2)

NANTÓN: Martín, Diego, Cristian, Felix, Sito, Carlos Vidal, Fabio (Martín, min.70), Amado (Ruben, min.80), Luís ,Manolo e Javi.
CORCUBIÓN: Cristian, Munitis (Diego, min.75), Chisco, Manuel, Balucho, Jose (Diego Lojo, min.88), Sergio Manín, Paulo, Santi (Eduardo, min.82), Mario (Yoni, min.80) e Lourido.
Goles: 1-0, min.20: Javi; 1-1, min.34: Lourido; 2-1, min.43: Carlos Vidal; 2-2, min.83: Mario, de penalti.

Partidazo o vivido nas Fontiñas entre dous equipos que se xogaban moito e que non defraudaron. Foi este un choque igualado, intenso e xogado de poder a poder e cunha actuación arbitral moi discutida por ambos bandos. No primeiro acto, dominou algo máis o Corcubión a bola aínda que o Nantón non se amilanaba a adiantábase no marcador por dúas ocasións. Poucas máis ocasións se rexistraron neste periodo posiblemente debido a intensidade de ambos equipos. Na segunda metade, cambiou o control do encontro para o bando local, e estes tranquilizaron o partido e non deixaron xogar ao Corcubión. Ao pouco de empezar este período, Manolo rematou a gol unha boa xogada colectiva local pero o arbitro sinalou un fóra de xogo que foi moi protestado polo bando local. Desgraciadamente, o trencilla foi collendo protagonismo no partido por decisións que foron moi protestadas por ambos equipos. A pouco para o final, empatarían os visitantes por medio dun penalti moi dubidoso que protestaron moito os locais. De aquí ao final, foi un querer e non poder por parte do Nantón e un Corcubión que se conformaría con este resultado.

Coristanco - Corcoesto (2-1)

CORISTANCO: Gonzalo, Luís, Germán, Oscar (Pazos, min.75), Marcos, Mallón (Gonzalo, min.46), Dani (Pistolas, min.85), Carlos, Arantón (Benitez, min.46), palermo (Gustavo, min.46) e Toniño.
CORCOESTO: Siro, Pepe, Manuel, Germán, Adelmiro, Roi, Javi, Luís, Miguel, Pablo e Martín (Couto, min.65)
Goles: 1-0, min.30: Palermo; 1-1, min.40: Miguel, de penalti; 2-1, min.80: Toniño.

Partido complicado para o Coristanco que gañou pero sen facer un bo partido. Na primeira metade os visitantes levaron a batuta e puideron adiantarse cun tiro de Miguel ao longueiro, o rexeite caeulle a Pablo que só coa portería fallou. Pouco despois un erro defensivo dos de Corcoesto propiciou o primeiro gol coristanqués

Xaviña - Mazaricos (0-8)

XAVIÑA: Alex, Javi, Chiribí (Mickael, min.83), Sergio, Gallego, Carliños, Carlos, David, Elvis (Fran, min.75), Adrián (Jhony, min.60) e Dani.
MAZARICOS Juan, Tuco, Marco, Oscar, Casais, Brasi (Coxo, min.55), Matías (Estaba Pereiro, min.4 (Ramón, min.58)), Rodri, Aldo (José Angel, min.30), estéfano (Moncho, min.50) e Kevin.
Goles: 0-1, min.31: Rodri; 0-2, min.35: Chiribí en propia porta trás un córner botado por José Angel; 0-3, min.37: Kevin; 0-4, min.50: Kevin; 0-5, min.53: Kevin; 0-6, min.58: Kevin; 0-7, min.70: Kevin; 0-8, min.80: Kevin.

Partido sen moita historia, custoulle aos visitantes abrir o marcador, pero unha vez feito foron caendo so goles pouco a pouco pese a non facer un partido moi brillante. A ambición de Kevin por subir postos na táboa clasificatoria dos goleadores foi o máis interesante do partido.

Independiente de Carballo - Cerqueda (3-2)

INDEPENDIENTE: Toni, Manuel, Dani, Suso, Efrem, Iván Lorenzo, Cholo, Míchel, Rubén, David (Upi, min.60) e Ivi.
CERQUEDA: Che, Santi, Javi, Alberto, Dani, Uru (You, min.60), Lorenzo (Gabi, min.63), Josiño, Añón (Athu, min.55), Alex e Carlos (Dieguito, min.36)
Goles: 1-0, min.1: Iván Lorenzo; 1-1, min.22: Lorenzo; 1-2, min.58: Alex; 2-2, min.65: Upi; 3-2, min.68: Iván Lorenzo.
Expulsión: O local Efrem por dobre cartón amarelo (min.88).

Partido con pouco en xogo no que o protagonista foi o colexiado deixou descontento a ambos equipos, pero sobre todo ao Cerqueda, anuloulles un gol e concedeulle outro aos locais nun claro fóra de xogo, ao final descontou sete minutos nun partido sen apenas perdas de tempo.

Cabana - Laxe (2-0)

CABANA: Toni, Rubén, Darío, Marcos, Alfredo, Sandro, Suso Docampo, Rubén Rama, Eloi, Adán e Adrián (Jacobo, min.73)
LAXE: Jacobo, López, Jacinto, Óscar, Aarón, Rubén, Adán, Antonio (Zurich, min.70), Dani (Anxo, min.46), Felipe e Samuel (Beizana, min.80)
Goles: 1-0, min.83: Rubén Rama; 2-0, min.90: Eloi.
Expulsión: O visitante Zurich por dobre cartón amarelo (min.85)

Partido moi igualado e que se decidiu nos últimos minutos. Os locais puideron adiantarse no marcador no minuto 52, pero o meta Jacobo detívolle unha pena máxima a Suso Docampo. O visitante Felipe lanzou un balón ao pau na primeira metade.

Outes - Lira (3-1)

OUTES: Gato, Saúl, Martín, Chúa, Artur, Piqui, Poque (Ángel min.60), Fabio, Pesco (Quin, min.50), Deivi (Mario,min.70), Damián (Martín, min.70)
LIRA: Miguel, Boni, Herminio, Toni (Juan, min.65), Pelexo, Suso Patachin (Marco Antonio, min.40), Dani, Pepiño, Javi (Víctor, min.55), Ancho e Rico
Goles: 0-1, min.10: Ancho; 1-1, min.25: Fabio; 2-1, min.40: Chúa; 3-1, min.70: Deivi.

Partido seguido por moitísimos siareiros locais no campo do Conchido, onde ao remate se ofreceu unha mexilloada compartida cordialmente por ámbolos equipos.
Todo comezou con respecto entre ámbolos equipos sen centrarse ningún, balóns en longo e sen tocar no medio, pensando todo o mundo no sol da trade do sábado case de verán. Pero o mais listo da clase foi Ancho que pillou un pase de cabeza dun dos centrais locais ao porteiro, roubou o balón e puxo o 0-1 no marcador.

A partires de ai os locais quedaron cinco minutos noqueados e o Lira comezou a tocar, pero aupados pola súa afección comezaron a dominar rapidamente o medio campo, polo que o Lira case non voltou a ver o balón na primeira parte. Os outeños comezaron a tocar e tocar e buscando pases entre liñas, froito dun deles, Deivi plantouse só diante do porteiro visitante e empatou o partido. A partires de aquí mais do mesmo ata o descanso malgastando outro par de mans a mans, abortados polo porteiro visitante e a rentes do pau respectivamente. Pero o gol da remontada foi a raíz dunha falta lateral, na que se adiantaron ao seu marcador e puxeron o 2-1.

Así chegouse ao descanso, no que o Lira reformou a súa formación, e puido frear un pouco as acometidas locais, pero o maior fondo físico do Outes notouse moito na calurosa tarde de marzo, polo que pouco a pouco se voltou a historia da primeira parte. Os locais deste xeito tiveron moitas ocasións para sentenciar o partido, pero non puideron facelo ata o minuto 70, onde mataron o partido. O Lira tamén tivo un par de mans a mans co porteiro local, que foron desaproveitadas por Rico e Ancho, que lle darían algo de tensión o partido no tramo final, pero o bo facer xeral dos locais fixeron que nin sequera se notasen.

Muros B Atl. Pereiriña (2-0)

MUROS B: Trozo, Etxeba, Maikel Perrito (Yeray, min.55), Canote, Pedro de Paki (Usko, min.60), Pedro de Nieto, Ramonsiño (Ivi, min.46), Mingos (Fastu, min.70), Pirujo (Jesús, min.70), Pardelo e Pesco.
ATL. PEREIRIÑA: Andrés, Simón, Alvaro, Javichu, Riki, Mario (Adán, min.46), Alex, Villar, Néstor, MOrcillo e Víctor (Grille, min.75).
Goles: 1-0, min.44: Ramonsiño; 2-0, min.85: Pardelo.

Partido cómodo para o filial que non atopou moita resistencia no Pereiriña. Abriu o camiño da vitoria unha espectacular volea pola escadra convertida por Ramonsiño. Tamén foi moi bonito o gol de Pardelo, ao borde do final.