De estrea estivemos esta fin de semana na Costa da Morte. I é que esta xornada foi a primeira co carrusel tecnolóxico a través da APP "Fútbol da Costa". Con Jorge Parri aos mandos e David Castro tamén seguindo varios partidos das ligas costeiras, mesmo da Liga Intermunicipios de Bergantiños, conseguimos facer que toda a bisbarra saiba os resultados en cada campo, e en tempo real. E todo, gracias á colaboración de todos os que estades nos campos e nos mandades esa información.
E comezamos o repaso da xornada pola Preferente, con resultados dispares. O Dumbría pega un estirón cunha boa vitoria en Mugardos, e se coloca 6º a 6 untos da promoción. O XSC non atopa o rumbo do comezo de campaña e caía en Carral ante un dos de abaixo, quedando na 12ª praza. Mentres, o Soneira, non pasou do empate sen goles ante un rival directo, o San Tirso, que o deixa en descenso.
Mala, malísima xornada para os nosos na 1ª Autonómica. Só o Camariñas sumaba, apenas 1 punto en casa ante un forte Unión. O Ponteceso, o máis necesitado, non podía sumar ante o Cordeiro e o deixa escapar xa a 4 puntos. Ambos clubes, pechan a táboa. Malpica, Baio e Esteirana caían nos seus choques, sendo a do cadro blaugrana ante o líder en Noia, e no medio da rodaxe dunha documental, a máis amplia.
Todos os ollos da 2ª Autonómica estaban postos no Carral. O Corme visitaba ao Sofán con posibilidade de recurtar posicións. Foi un choque tremendamente intenso e vibrante, dos que merecen a pena velo. Co empate, o Sofán empata co Outes no máis alto da táboa, trala sorpresa da xornada, a derrota do líder na casa por 1-2 ante o San Lorenzo. Por detrás, a só 2 puntos, o Zas, tras vencer en Camelle, e a 5 o Cee, que gañaba ao Volantes en Muros. O Corme queda a 7 do liderato, e o Fisterra, que sufría demais para gañar ao pechacancelas Corcubión, a 9.
Xa na 3ª Autonómica o Baíñas queda só arriba tras vencer nun campo tan complicado como o de Cerqueda, e aproveitar o empate do Montelouro en Nantón, nun choque con emoción ata o final. Por detrás de ambos quedan Lira e Coristanco. Os lirachos golearon ao Seaia, que viña mesmo por riba; mentres que o Coristanco non pasaba do empate ante o Muxía. Salientar a primeira vitoria do Castrelo, ante un Laxe descoñecido, que deixa ao Corcoesto como pechacancelas, só con dous empates, pero facendo bos papeis e perdendo sempre por pouco.
Nos Xuvenís, os 3 de arriba de cada grupo seguen escapando. No Gr.3, o empate entre Fisterra e Outes fai que o 3º, un XSC que descansaba xunto á Esteirana, teña máis vantaxe, sobre o 4º, que agora é o Muros, a 4 puntos. O Cee queda a 5. Mentres, no Gr.4 o Ponteceso caía en Camariñas e se descolga, deixando tamén a 3ª praza a 5 puntos. O Malpica descansaba e Cabana e Corme aproveitaron para sacarlle 4 puntos.
Mala xornada para o Dumbría da División de Honra Cadete que caía 2-1 ante un rival directo na zona alta, o Pontevedra. Aínda así seguen 4º os dumbrieses. Sen embargo, na Liga Galega Infantil tocoulle gañar ao Dumbría que se mantén na metade alta da táboa, empatado ata co 9º clasificado, e con 4 puntos xa sobre o 12º, que marca a diferencia entre a Liguilla de Ascenso e a de descenso. O que segue cunha soa vitoria é o XSC, que vai sufrir para manter a categoría.
Importante a xornada na Liga Cadete, pois o Fisterra asalta o liderato ao vencer ao Muros, que chegaba invito a Ara Solis. Ademais, en infantís, Cee e Fisterra seguen ao seu, mentres o Corme tiña que aprazar o seu partido.
