Nova xornada no fútbol da Costa, completa de encontros. Coma sempre comezamos o repaso pola Preferente, onde os nosos xa están na parte alta da táboa. Esta xornada a atención centrábase no derbi entre Dumbría e Santa Comba. Os dumbrieses, sorpredenderon aos xallleiros, que levaban un comezo de campaña impecable, e ascenden postos. Ademais o Soneira acadaba a segunda vitoria consecutiva, mentres que o Xallas non puido alonxar ao Grixoa.

Na 1ª Autonómica, unha de cal, a do Ponteceso en Eume; e unha de area, a do Cee, que non colle o ritmo fóra de casa.

Xa na Liga da Costa, o encontro da xornada disputábase no Hermana Patiño. Camariñas e Club do Mar empataban a 3 nun encontro de poder a poder no que os caioneses se puxeron 3 veces por diante e os locais empataron de penalti.
Por detrás, empatado cos caioneses, segue un intratable Dumbría B, que endosaba un 0-3 ao Castriz en San Pedro. O Fisterra amosa a cabeza por primeira vez tras vencer en Lombáns ao Pindo.
Por abaixo, salientar a primeira vitoria do Mazaricos, o empate do Corcubión que non dá saído da zona baixa, e a derrota do Sofán, que non arrinca. O Pindo é o único equipo con 0 puntos.
Ademais, o Nantón-Zas suspendeuse pola morte do fundador do Nantón, ex presidente do clube cabanés, Faustino Montes aos 57 anos.

Na 3ª seguen intratables o Outes e o Montelouro. Ademais o partido da semana era o Cerqueda-Alcaián e os locais vencían empatando na 3ª posición da táboa. O Porteño segue sumando pouco a pouco, e o Coristanco tampouco vai quedar atrás. Bo partido tamén en Lombáns cun 5-3 entre Carnota e Volantes de Baño que dá conta das propostas futbolísticas de ambos cadros.

Por xuvenís, Cee e Outes seguen contando partidos por vitorias (e contundentes) no sur, mentres que no norte Dumbría B e Malpica se distancian de todos os perseguidores.

Ademais, en Veteranos, Corcubión e Xuv. Bergantiños sorprenden no alto da táboa da 1ª División tras 4 xornadas. Na 2ª, é o Milagrosa o líder.

Preferente Norte, xornada 6

1ª Autonómica, xornada 5

2ª Autonómica, xornada 5

3ª Autonómica, xornada 5

Liga Nacional Xuvenil, xornada 3

Liga Xuvenil Sur, xornada 3

Liga Xuvenil Norte, xornada 5

División de Honra Cadete, xornada 3

Segunda Cadete, xornada 3

Liga Cadete, xornada 3

Ligas de Veteranos, xornada 4

1ª División

2ª División

Máis información

• Resultados e clasificacións 2011/2012.

Novas relacionadas

• Video entrevista co xogador malpicán Juny.
• O Cee carga contra Zas Vázquez no parte de sancións.
• Un Dumbría descarado.
• Xuvenil Sur: Pouco a pouco sacando conclusións.
• Xuvenil Norte: Unha doble Liga.
• 3ª Autonómica: Xa gañan todos.
• 2ª Autonómica: Xornada olímpica.
• Preferente: A comarca do Xallas toma o protagonismo.
• 1ª Autonómica: Adaptándose.
• Resultados desta xornada de loito no fútbol costeiro.

Máis novas

• Pablo Mouro: Primeiros Auxilios Básicos (I).
• Vídeo entrevista de Ángel Garrido a Alberto Pose.
• Vídeo entrevista a Manolo Varela por Angel Garrido.
• Vimianzo lembrou a Martín Pena.
• O Plan Competicional e a Liga á carta.

Fonte

• Redacción de Deportes de QPC ([email protected]).