Esta fin de semana quedou marcada pola morte de 2 rapaces de 20 anos nun accidente de tráfico en Corcubión, ocorrido na madrugada do sábado ao domingo. O fútbol da Costa púxose de loito e, de feito, o Montelouro-Carnota foi suspendido pois un dos falecidos era carnotán.
A xornada chegou con máis incidencias, como a lesión de Miguel Camarón, que rompeu un pé e tivo que saír en ambulancia.

E xa centrándonos no fútbol, o partido da semana era ese derbi xalleiro, onde o cadro laranxa puido co verde nun ambiente de auténtica festa. Con todo, o poderoso Santa Comba non foi moi superior ao cadro de Iván Cancela, pero con estes 3 puntos xa se mete no podio.
O que si venceu con claridade foi o Soneira, que sumou a primeira vitoria da temporada e xa alcanza a un Dumbría que volveu de Viveiro cun puntiño.

Na 1ª Autonómica, non foron boas as novas dos nosos. O Cee, tras adiantarse dúas veces ante o Vizoño, quedou cun só punto no peto. Peor lle foron as cousas ao Ponteceso, que con 11 xustos máis varios xuvenís, volvía de baleiro de Vilaboa.

A Liga da Costa segue como estaba. O Club do Mar segue dando argumentos para situalo como gran favorito. Pero por detrás, Dumbría B, Malpica e Camariñas demostraron que non llo van deixar fácil e volveron sumar 3 puntos ante Nantón, O Pindo e Corme.
Por abaixo, O Pindo segue sen sumar, con Corcubión e San Lorenzo cun só punto. O Mazaricos dá síntomas de mellora co seu empate en Zas.

A 3ª Autonómica chega marcada polo suceso e a suspensión do partido da xornada entre o ata onte líder e o aspirante Carnota. Agora ocupa o primeiro posto un Outes que parece ir en serio e hoxe facía 8 ao filial fisterrán. O Alcaián segue apuntando alto e sufría pero superaba pola mínima ao Independiente, igual que o Porteño co Soneira B. Cabana, Cerqueda (que descansaba) e Volantes tamén amosan a cabeza por arriba.

Nas Ligas xuvenís vanse marcando diferencias. Polo Norte o Dumbría B segue abusando, pero nin Malpica nin Cabana vanllo poñer fácil. Polo Sur, o Cee é o que mellor comeza, co Outes pegado.

Preferente Norte, xornada 5

1ª Autonómica, xornada 4

2ª Autonómica, xornada 4

3ª Autonómica, xornada 5

Liga Nacional Xuvenil, xornada 2

Liga Xuvenil Sur, Gr.3, xornada 2

Liga Xuvenil Norte, Gr.4, xornada 4

División de Horna Cadete, xornada 2

2ª Autonómica Cadete, xornada 2

2ª Autonómica Infantil, xornada 2

Ligas de Veteranos, xornada 3

1ª División

2ª División

Novas relacionadas

• Falecen dous mozos nun accidente na estrada do Cabo C.

Máis información

• Resultados e clasificacións 2011/2012.

Novas relacionadas

• Pablo Mouro: Primeiros Auxilios Básicos (I).
• Sancionados e novos horarios para a fin de semana futbolística.
• Xuvenil Norte: Xornada de goles.
• Xuvenil Sur: Comeza unha liga sen favoritos.
• 3ª Autonómica: Os favoritos non fallan.
• 2ª Autonómica: O Club do Mar sobresae neste igualado comezo de liga.
• Preferente: O Dumbría xa sabe gañar.
• 1ª Autonómica: Mala xornada.
• Resultados dos 67 encontros do fútbol da Costa.

Máis novas

• Vídeo entrevista de Ángel Garrido a Alberto Pose.
• Vídeo entrevista a Manolo Varela por Angel Garrido.
• Vimianzo lembrou a Martín Pena.
• O Plan Competicional e a Liga á carta.

Fonte

• Redacción de Deportes de QPC ([email protected]).
• Foto do derbi xalleiro de Santi Díaz para o Facebook do Xallas.
• Foto do Cee-Vizoño Unión Clube Cee.