Ao final puidéronse disputar máis partidos dos esperados nesta fin de semana acosada pola Cicloxénese explosiva "Gong". I é que durante a tremenda mañá sábado recibíamos ducias de chamadas pedindo teléfonos dos equipos contrarios para suspender partidos, unha vez que federación decidía non suspender a xornada, senón só os partidos dos equipos que o solicitasen.
Ao final, durante o sábado se suspenderon ata 12 partidos nas categorías inferiores (4 partidos en Cadetes; 2 en infantís; 5 en xuvenís), completándose a fin de semana con 17 partidos aprazados.

E comezamos o repaso aos partidos que si se xogaron pola Preferente, onde a xornada no puido ser peor. E iso que era importante para que Dumbría e Xallas de Santa Comba se meteran ben arriba. Pero ambos caeron ante rivais directos. Os dumbrieses ante o Bertamiráns, que non desaproveitou o descanso do Grixoa para colocarse novo líder. Mentres, o XSC caía en Fontenla ante o Boiro, que queda 4 e 5 puntos por diante de dumbrieses e xalleiros respectivamente. Mentres, o Soneira caía co Lemos.

O partido da xornada tiña lugar na 1ª Autonómica, no Pinguel. Pero o empate final entre Ponteceso e Camariñas non soluciona os problemas de ningún. Ademais, o Fisterra sufría unha deshonroso ante un potente Estudiantil. A única boa nova chega da man do Malpica, que rompe unha malísima xeira de resultados con 8 xornadas sen coñecer a vitoria.

Na 2ª Autonómica, só se suspendía o derbi carballés entre Sofán e San Lorenzo polo mal estado do campo do Carral. Do resto, destacar a complicada vitoria desta Esteirana, que segue tirando de eficacia e seriedade para manter o liderato, e 6 puntos de vantaxe sobre Cee e Baio. Dous que non descansan, e superaban dúas duras probas en Carnota e Mazaricos. E iso que as bancadas do campo de Pedra do Ouro quedaban sen medio teito tralo paso do Gong durante o sábado.
Por abaixo houbo varios partidos importantes que afunden máis a Dumbría B, Outes, Montelouro e Cabana, quedando agora o Mazaricos como equipo visagra entre un grupo de escapados e os de abaixo. Corcubión, Muros, Volantes e Castriz escapan tras vencer, respectivamente ao Outes (no min.94 e tras ir perdendo boa parte do partido), o Montelouro (que leva 11 xornadas sen sumar), ao Cabana, e ao Buño. O filial dumbriés non puido cun Corme que vai collendo ritmo e do que se agarda unha temible segunda volta.

En 3ª, suspendeuse o choque entre Alcaián e Camelle. O líder, o Porteño segue sen coñecer a derrota pero non pasaba do empate a ceros ante o Nantón. Por detrás, o Independiente tampouco era quen de superar a un Cerqueda que quere manter a súa posición de privilexio, mentres os do segundo grupo xa lle veñen enriba. Como o Soneira B, que vencía con solvencia e bo xogo ao Ameixenda. O Muxía mantén a 6ª praza e iso que descansaba, e o Laxe entra nunha loita que parece esquecer o Lira, que hoxe estreaba adestrador.

Comezaban as segundas fases nos Xuvenís, pero o facían a medias. 5 encontros de 9 eran aprazados, polo que pouco podemos dicir. Na Liguilla Previa á Fase de Ascenso á Liga Galega dous partidos e claras vitorias, se cadra demasiado claras. O Dumbría superaba 2-0 ao Ponteceso no choque dos campións. Mentres o Cabana sorprendía a un desaparecido Fisterra en Ara Solis. Na Copa, O Coristanco foi o único que sumou os 3 puntos ante a Esteirana xa que o Camariñas-Muros rematou a 0.

En Cadetes e Infantís, como dicimos, apenas se xogaron 6 partidos tralos 5 choques suspendidos en cadetes e 3 en infantís.

Preferente, xornada 21

1ª Autonómica, xornada 19

2ª Autonómica, xornada 19

3ª Autonómica, xornada 19

• Descansa Muxía.
• SDC Corcoesto - S.D. Fisterra B (2-0) pola retirada do filial fisterrán.

Liguilla Previa á Fase de Ascenso á Liga Galega Xuvenil, xornada 1

Liguilla da Copa da Costa, Gr.1, xornada 1

Liguilla da Copa da Costa, Gr.2, xornada 1

Liga Galega Cadete, xornada 18

Liga Galega Infantil, xornada 19

1ª Cadete, xornada 11

1ª Infantil, xornada 15

• Descansa Xallas Santa Comba.

Ligas de Veteranos, xornada 18

1ª División

2ª División

Máis información

• www.futboldacosta.com.

Crónicas da semana

• O colexiado do Cee-Castriz sancionado no parte de sancións.
• Xuvenís: Rematou a Liga, e xa temos Liguilla previa e Copa da Costa.
• 3ª Autonómica: O Camelle descólgase no exilio.
• 2ª Autonómica: A Esteirana mantense firme ante os Cee, Baio e Sofán.
• 1ª Autonómica: Fisterra, Camariñas e Ponteceso en verdadeiro perigo.
• Preferente: O Dumbría supera ao XSC.
• Resultados da primeira xornada completa do 2013 no fútbol da Costa.

Novas relacionadas

• A SD Fisterra retira o equipo B da competición.
• Alex Bergantiños vestiuse de branquiazul… en Baio.

Artigos relacionados

• Alberto Pose: Filiais na Costa?.
• David Castro: Entrevista de David Castro co porteiro cabanés Sergio Aranzubía:
• Manuel Varela: Analizando o estado de saúde dos equipos da Liga da Costa en pleno parón de Nadal.
• Héctor Pose: Miculita-Sieso-Manín: tridente letal.
• Un album de fotos antigas do Fútbol da Costa.

Fonte

• Redacción de Deportes de QPC ([email protected]).