• O día 12 de decembro, a entidade de San Andrés celebrará por todo o alto o seu aniversario.

Non hai temporal que non escampase, a desolación do Sporting Zas pola dobre frustración do ascenso durou apenas unha semana. A entidade vive, de feito, un dos seus mellores momentos institucionais e sociais, como seguramente quedará de manifesto o próximo 12 de decembro. Para ese día, a directiva ten proxectada unha gran festa co gallo do 40 aniversario do clube. Non faltará de nada, coma no caso do Club Deportivo Baio e o do Soneira, con dúas galas tamén de chapeau.

O lugar elixido é o pavillón da localidade, a partir das 21.30 horas, e está todo pensado tanto para os máis novos (hinchables e regalos de todo tipo), para os máis futboleiros (galería fotográfica, premios aos mellores da historia do Zas), os 'laicos' nesto do balompé pero con ganas de festa (o dúo Karim e unha discoteca móvil amenizarán o acto) como para os máis presumidos (ata haberá photocall). Tódolos que desexen asistir só deben pasarse polo campo de fútbol ou a pizzería Tivoli (onde non estaría de máis que enchesen o estómago) ou contactar con Roberto no teléfono 629 347 039.

Nestas catro décadas de historia, o Sporting Zas ten sido case sempre protagonista, e foi un dos últimos campeóns de Primeira como representante do noso fútbol. No seu palmarés, ademáis desa Liga de Primeira, hai tamén tres Ligas da Costa, unha Copa e un subcampionato do torneo do KO. Polo seu fútbol base teñen pasado tamén importantes talentos, como demostra o feito de que case sempre os planteis sexan representativos dunha vila especialmente pequena.

Novas relacionadas

• Medio século de fútbol soneirán comprimidos nunha emotiva Gala.
• Baio e Porteño celebraron os 50 anos da Liga da Costa.
• Máis dun milleiro de persoas comprobaron a importancia social do clube decano do Fútbol da Costa.

Fonte

• Guillermo Parga (guillermoparga@quepasanacosta.com).