Xa temos o primeiro Álbum completo
Apenas dúas semanas en circulación e xa hai quen conseguiu os máis de 700 cromos do Álbum de Cromos do Fútbol da Costa. Como esto dos cromos da Costa é un estado de ánimo, a emoción fainos coleccionar a mareas. E a falta de un, esta noite chegáronnos dous amantes do fútbol costeiro que xa o completaron.
Primeiro chegounos a nova dende Vimianzo, dende o Bar London, un dos templos do Fútbol costeiro que pasa por ser un dos máis de 40 puntos de venda que teñen cromos ao longo da bisbarra. E parece que moitos dos cromos os mercou o propio Maico, o xefe, pois foi el o primeiro que nos fixo chegar que completou o álbum. Para os que o coñecen, saben que Chuchi tivo que colocarse ao seu carón para botala foto!
De contado chegounos a nova de que Diego Lobelos, fisterrán adestrador dos xuvenís do Dumbría, tamén o completou. Estamos á espera dunha fotiño.
Ambos, tras comprobarmos o equipo QPC que efectivamente está completo, entran a participar no Sorteo dunha Play3.
Pois vai ter que voltar Manolo Pampín ca súa Revista da FDS, que xa fixo unha fermosa reportaxe da saída dos cromos e prometeu que en canto se completara, volvía pola zona!
Novas relacionadas
- QPC lanza a APP do Fútbol da Costa.
- Os cromos da Costa, un estado de ánimo.
- O Photocall da Gala do Álbum dos Cromos da Costa.
- David Vidal fixo de mariñeiro en Corcubión.
- As categorías inferiores do XSC disfrutaron do auténtico David Vidal.
- Gran Gala do Álbum de Cromos: Noite de Estrellas da Costa.
O Album de cromos do #FutboldaCosta
Fonte
- Redacción de QPC (info@quepasanacosta.gal).
