O Corme Xuvenil co trofeo de Campión de Liga-Foto-Fin Lema O vicepresidente da FGF Juan Villamisar entregando a Copa ao capitán do Corme Manu Bermúdez-Foto-Fin Lema Non puido todo un Corme, campión ligueiro, coa tea de araña dos Miúdos no partido de ida da Copa da Costa Xuvenil. O choque, que servía para facer entrega do trofeo de campión de Liga ao cadro dirixido por Lelo, deixa unha eliminatoria costa arriba para os cormeláns, ante uns Miúdos de Manu Camello que teñen moi claro o seu papel. No outro lado do cadro, o San Lorenzo sacou unha vitoria mínima ante un gran Cabana, nun choque no que a forza superou á calidade, pero que tamén deixa as cousas abertas para os de Juni e os de Fernando.  

Corme - Os Miúdos (0-1)

• Corme: Lucas, Ángel, Brais, Aitor, Eloy, Javi Bermúdez, Mauro, Manu Garrido, Manu Tasende, Manu Bermúdez e Samu. Tamén: Roque, Alex Mato, Noel, Fran Pombo e Pandi.
• Os Miúdos: Alberto, Ángel, Dani, Flavio, Xián, Gael (Mayo), Abel, Gesto, José (Siera), Ismiña e Rubén.
• Gol: 0-1, m.47: Rubén de falta.

Claro partido de cor azulona, con dominio total do Corme, ante un equipo dos Miúdos que chegaba ao Cairo coas ideas moi claras. O cadro de Manu Camelle prantexou o partido cunha defensa férrea, e tivo a sorte de que soou a flauta no comezo da segunda metade cun tanto de falta. A partir de aí volveron meterse atrás e sufrir ante as constantes envestidas dos cormeláns, que por moito que o intentaran, o sábado non era o día.  

San Lorenzo - Cabana (2-1)

O San Lorenzo Xuvenil

• San Lorenzo: Darío, Eloy, Álex Fernández, Esteban, Fidalgo, Iván Cancela, Pablo, Jose, Ivito, Brais (Alberto, m.70) e Aarón.
• Cabana: Robert (Marcos), Yago, Manuel (David), Samuel, Dani, Breo, Cristian (López), Alberto, Simón, Castro e Nando (Rubén).
• Goles: 1-0, m.25: Jose bate por baixo diante de Robert tras unhas paredes con Aarón; 1-1, m.48: Simón tras varios rexeites; 2-1, m.88: en propia.

Cabana xuvenil Partido con bastantes imprecisión e un ritmo cortado pola tensión que se palpaba nos dous equipos, aos que lles custaba dar máis de dous pases e tiñan que abusa dun xogo foi bastante directo. Era un partido de brega e intensidade, en todo caso, con algunha entrada ao límite. O primeiro tanto chegou aos 25 minutos, cun tanto de Jose tras unha xogada de Aarón. Pouco despois o propio Aarón tiña o segundo pero desta volta foi Robert o que gañou a partida salvando o tanto sacando un gran pé. Subía tras o gol liñas o Cabana e pasaba a dominar, tendo varias chegadas antes do descanso pero nas que lles faltaba calma para definir. A saída en tromba dos cabaneses deparou un tempraneiro gol que daba o empate, tras un doble remate de Castro e Breo que sacaban Darío e Eloy baixo paus, pero que non desperdiciaba Simón no rexeite. Chegaba entón unha xogada polémica, na cal, tras un choque de Ivito sobre Cristian, o primeiro acaba expulsado e o segundo tiña que ir camiño do Hospital. Afortunadamente, tralas placas, o golpe quedou en varios hematomas pero sen fracturas. Quedaban poucos minutos e o San Lorenzo, a pesar de quedar cun menos, foise algo arriba. Nunha xogada por banda dereita, plantase Fidalgo na liña de fondo e saca un pase a trás que era empurrado por un defensa dentro da súa portería. A partir de aqui moito menos ritmo por faltas continuas e apenas ocasións ata o final. E 2-1 final, aínda que seguramente o empate tería sido o máis xusto polo visto no campo.  

Novas relacionadas

https://quepasanacosta.gal/xuvenis-o-san-lorenzo-superou-a-esteirana-na-unica-eliminatoria-apretada-dos-cuartos-da-copa/ https://quepasanacosta.gal/xuvenis-a-esteirana-dase-a-revancha-na-copa-ante-un-fisterra-que-pechou-dun-golpe-unha-gran-temporada/

Máis información

• Os cadros da CopadaCosta e das Fases en www.copadacosta.com.

Novas relacionadas

• Corme, Outes e Cee xogarán unha fase previa da Fase de Ascenso á Liga Galega ante os campións da Coruña en Xaviña.