Impresionantes, como non podía ser doutro xeito, estiveron as Cantareiras de Ardebullo no Entroido de Dumbría. Está conseguindo o Concello que este entroido se convirta nunha referencia no Domingo entroideiro da zona, cunha aposta potente pola troula. E este ano a cousa foi grande.

Mucha e Nucha fiaron con arte e humor a gala das comparsas, e fixeron elas mesmas de comparsas meténdose con detalles tan dumbrieses como o cruceiro inclinado dumbriés, que disque quedou así tralo choque da Mucha uns anos atrás…

E as comparsas estiveron a altura. As da casa, e as de fóra. "A Invasión Ghuracha", dos sempre bravos festexeiros de Gures, encheron de risas o escenario, con reunións políticas e tanques. Chegaron dende Lires e tras vencer o sábado de Entroido en Muxía, "A granxa desahuciada", que veu representar un problema tan real como a vida mesma, pero en clave de humor, que diso se trata o Entroido.

E a traca final corría a cargo da banda local. Os de sempre, os Buxantes Calidade trouxeron un "Rei León" espectacular, co armadanzas César Ferrío, incombustible coma ninguén.

Ao final, o xurado non que quixo queimar e repartiu o primeiro premio entre os locais e os de Lires, quedando o terceiro para os de Gures.

E aquí, a sorpresa da noite no remate do entroido a cargo das Cantareiras de Ardebullo, Nucha e Mucha, con coreografía dos nenos/as de Dumbría. Os rapaces e rapazas do concello ensaiaron nas casas culturais do concello unha coreografía da canción "Nós non temos pai" para darlles unha sorpresa ás Fillas da Conexa.

Máis información

• Galería de Fotos de Juan Louro do Entroido de Dumbría 2013.

Entroidos 2013

• Un desfile, militar, tomou o Entroido de Vimianzo.
• APEM viviu un Entroido de Circo.
• Entroido Costa da Morte, primeiro asalto.

Entroidos por vivir

• O Entroido de Fisterra xa ten o seu cartel cheo de caras coñecidas.
• Vimianzo xa pensa no seu gran luns de Entroido.
• Muxía reaviva o Entroido a base de pinchos e co Entroido do Percebe como fin de festa.
• Baíñas ten un entroido de seu.
• Cee centra o Entroido no Sábado de Piñata.
• Muros enterrará ao Facundo no seu Entroido comparseiro.
• Camariñas prepara un entroido de Piratas e velorios.
• Zas prepara o seu Entroido cheo de xogos.
• Carnota e Mazaricos preparan os seus entroidos.
• Ponteceso tamén pensa no Entroido.
• Un entroido doble en Corcubión.
• Malpica, Laxe e Cabana propoñen un Entroido coa Mikaela, Caietano e os Ghañán Style.

Fonte

• Redacción de QPC ([email protected]).