#RECORTES
“Do Areouta, non nos moverán”
Divertida e reivindicativa concentración e manifestación desenvolta pola comunidade escolar do CEIP Areouta de Sardiñeiro. Un centro que está a piques de vivir un novo recorte por parte da Consellería de Educación, que propón que @s 17 alumn@s de Primaria compartan unha soa aula e un só profe. É dicir, dos 6 aos 12 anos xuntos.
As familias percorreron a ritmo dos tambores e as cantigas, o treito que une o cole co porto de Sardiñeiro.
Así foi a concentración de hoxe da comunidade escolar do CEIP Areouta, onde a Xunta quere meter @s 17 nen@s de 6 a 12 anos na mesma aula co mesm@ profe.
— Quepasanacosta (@quepasanacosta) July 19, 2021
Aquí a contamos: https://t.co/3gIz0RufaI pic.twitter.com/7CJkoaXyNZ
As pancartas colgadas no colorido valado do centro rezan pregarias como “se recortas en sanidade e educación, non tes perdón”, “con tanto recorte, das catro regras só imos aprender a restar”, “a educación é un dereito non un privilexio”, “se o rural queremos manter, aquí non veñades a joder”, ou “en tempo de coronavirus non me toques os fillos” dan conta do sentido da comunidade escolar.
A CIG apoiou a manifestación, lamentando que a Xunta entenda a “educación como un gasto e non un investimento, polo que amplía ratios, satura aulas e elimina postos de traballo”. “Este tipo de recortes afondan no desmantelamento dos servizos públicos no rural, chocando de plano coa propaganda e as medidas, en teoría destinadas a fixar poboación no ámbito rural, que a propia Xunta está a desenvolver a través doutras consellarías”, denuncian.
A instagramer @mamatopa é unha das nais afectadas
