Os Infantís, que triufan nas Comarcais de FS, xa teñen finalísima da Copa da Costa

Os Infantís, que triufan nas Comarcais de FS, xa teñen finalísima da Copa da Costa

09:51 13/05/14

Semis da Copa Infantil entre Cee e Fisterra-Foto-Jose Cambeiro

Non sen polémica, pero esta I Copa da Costa Infantil xa ten finalistas. Cee e Corme (un Corme este ano espectacular co título da Liga da Costa, e chegando á final tamén en Xuvenís) disputarán a gran cita, case con seguridade, este domingo no Municipal de Vimianzo, xusto antes que a Final da Copa da Costa Xuvenil.
Todo, tras unha fin de semana na que dous dos nosos acadaron grandes resultados nos campionatos intercomarcais de Fútbol Sala.

Finalistas

O Corme metese na final da I Copa da Costa Infantil

Estaba decidida unha semifinal dende a ida, pois o Corme endosara un claro 0-8 aos Miúdos a semana pasada. A volta, na resaca cormelá da celebración do título da Liga da Costa, os peques da marea azulona venceron de novo pero Os Miúdos tiraron de orgullo e prantaron cara ata o final, acadando un apretado 3-2.

No outro lado do cadro, o Cee, o actual campión de Liga, conseguíu o pase e enfrontarase a un Corme disputou o título ata as últimas quedando nunha máis que meritoria 3ª praza, por detrás do Fisterra. Precisamente ao Fisterra tivo que superar o Cee, nunha final de auténtico infarto, con penaltis e todo.

Pero non faltou a polémica. O partido remataba con 1-2 para o cadro fisterrán, recuperando así a vantaxe que obtiña o Cee na ida. Cando se dispuñan a lanzar os penaltis, o cadro fisterrán quere cambiar o seu porteiro, lesionado, por un xogador de campo para a tanda de penaltis, pero aí é cando chega a polémica. O colexiado, presionado por un lado e por outro, descoñece o reglamento, e impide facer o cambio de xogador por porteiro, pero sen embargo permite que o porteiro suplente entre no campo en substitución do titular lesionado, cando o reglamento precisamente iso é o que non permite, cambiar a ningún xogador unha vez rematado o partido, como sinala o artigo 202. O que si permite o reglamento, claramente, é que un xogador de campo que estea sobre o céspede ao rematar o partido, se meta baixo paus.

Quedou a cousa como estaba e o Cee levou a tanda de penaltis e o pase á final, a pesar das protestas de toda a familia do Fisterra.

Os infantis do Cee sobre o porteiro celebrando o pase a final-Foto-Jose Cambeiro

Final en Vimianzo

Segundo nos acaba de confirmar a Federación a final da Copa da Costa Infantil será o domingo 18 de maio ás 16:30h no Municipal de Vimianzo, xusto antes da Final da Copa da Costa Xuvenil, que enfrontará ao Dumbría e ao Corme, que arrincará ás 18:15h.

Tendes os cadros en www.copadacosta.com onde anotaremos os resultados segundo remate os choques.

Campión e subcampión intercomarcal

Corcubion Campion Infantil Intercomparcal FS

Doble alegría para o fútbol costeiro. Dous equipos acadaron grandes resultados na festa do deporte comarcal celebrada en Corcubión.

Precisamente, o EF Corcubión de Carlos Pazos acadou o título intercomarcal en categoría Infantil. Os pequenos corcubioneses vencían 4-1 ao Mazaricos nas semis, e facía o propio coa Esteirana por 6-0. Podio costeiro nos Intercomarcais infantís.

Ademais, o equipo Alevín das EFM Vimianzo, dirixido por Paco, quedou subcampión da Intercomarcal. Os vimianceses venceron nas semis ao Outes por 4-0, pero na final non puideron cun potente Negreira, e caeron por 5-2. Ademais, as lesións nas semis mermaron demasiado ao equipo de cara a final. O Outes, ademais, quedou 3º, tras vencer na final de consolación ao Furia Valga por 10-1.