FUTFEM: O Cee non puido frear ao Calo e o Cerqueda e Corme queceron motores para o derbi de peche

Cerqueda-Corme feminino-Foto-Fin Lema 1 — Cerqueda-Corme feminino-Foto-Fin Lema

11:49 09/05/23

Penúltima xornada da 2ª División Feminina, e as aspiracións do Xallas de acadar o título esfumáronse no San Paio de Refoxos. O líder Calo puido tamén co Cee proclamándose campionas de Liga. Quedan xalleiras e ceenses, así como as dumbriesas, clasificadas para a Promoción de Ascenso á 1ª División.

Mentres, no Norte, Cerqueda e Corme protagonizaron un fermoso derbi que serve para preparar o fermoso espectáculo que se vivirá no Cairo este sábado ás 18:00h co Corme-Ponteceso.

2ª Division Feminina, G.2, xornada 25

Cerqueda - Corme (2-3)

Cerqueda: Valeria, Jimena, Lucía, Mónica, Tati, Pauliña, Irene, Raquel, Mariña, Isa, e Inés. Tamén: Uxía, Sonia, Lorena, Vane e Andrea.
Corme: Carmen, Ana, Laura, Aroa, María; Cris, Irene, Ana, Nati, Carla e Naroa. Tamén: Carla Vázquez, Candela, Salomé e Aurora.
Goles: 1-0, m.8: Mónica; 1-1, m.19: Ana; 2-1, m.30: Pauliña Veiga; 2-2, m.44: Nati, 2-3, m.53: Ana.

Fermoso derbi en Buño con moita xente nas bancadas, demostrando a gran afección que está xerando o fútbol feminino na comarca de Bergantiños. Un choque no que o Cerqueda certificou o seu proceso de melloría facendo sufrir a un Corme que tamén fixo un bo partido nun duelo disputado, cheo de deportividade e emoción ata o final.

Primeira metade chea de alternativas, cun cadro local que se metía dúas veces por diante, obrigando a remar ás cormelás. O empate ao descanso deixaba o partido aberto para a segunda.

Saíu mñais dominador o equipo de Rubén Souto, apretando arriba e marcando pronto, nun córner, o 2-3, gracias aos tantos de dúas habituais asistentes como Ana e Nati. Pero as de Dani Reixía non se deron por vencidas e pelexaron ata o final.

Ponteceso - Curtis (5-0)

Ponteceso: Noelia, Eva, Muíño, Myrella, Ainhoa, Noe, Miriam, Virginia, Berdeal e Silvia. Tamén: Colores, Alba, Lucía Vila, Laura Ramos e Laura Rod.
Goles: 1-0, m.4: Muíño; 2-0, m.30: Myrella; 3-0, m.47: Virginia; 4-0, m.64: Virginia; 5-0, m.68: Virginia.

Comezaron as de Curro moi ben posicionadas no terreo de xogo, facéndose donas do balón, e adiantándose xa aos 4 mimnutos cun gran disparo de Muíño dende a frontal. Só había un equipo sobre o terreo de xogo, e tras moitos avisos, tras unha xogada de estratexia ensaiada, remataba a gol no segundo pau a kaiser Myrella.

E na segunda, sobresaíu a figura da atacante Virginia, que conseguiu facer tres goles nos vinte primeiros minutos do segundo tempo facéndolle costa arriba o encontro ás rapazas de Curtis.

2ª Division Feminina, G.4, xornada 25

Cee - Calo (1-5)

Cee: Noemi, Lucía Rod., Laura, Alba, Nerea, Andrea, Saray Duarte, María Lijó, Ruth, Uxía e Lucía Martínez. Tamén: Lucía Facal, Sharay Caamaño, Lucía Caamaño, Antía e Nayara.
Goles: 0-1, m.6: Aurora; 0-2, m.17: Aurora; 0-3, m.35: Laura Lema; 1-3, m.52: Nerea; 1-4, m.65: Nerea Coello; 1-4, m.88: Laura Seoane.

”Tocou pinchar para aprender”. Saía con experimentos o Cee e pagouno de contado. Os nervios palpábanse nunhas ceenses que se xogaban o subcampionato, e xa aos 5 minutos as líderes superaban as liñas ceenses e abrían o marcador. O cadro de Teo, moi forte, dominaba o tempo do partido e pronto facía o segundo tras un erro da defensa local. Tivo bos minutos aí o cadro azulón, cunha boa ocasión e apretando moito á saída do balón, e pasando a dominar.

Saíron ben na segunda as ceenses e conseguían recurtar nunha fermosa xogada culminada por Nerea, pero pronto chegaron dous tantos máis que deixaban o partido, e o campionato, sentenciado para as de Teo.

Xallas - Praíña (1-0)

Xallas: Rosio; Laura, Rita, Saskia, Andrea Otero; Luchy, Andrea Barbeira, María; Olalla, Yasmina e Alicia. Tamén: Leti, Inés, Nuria, Maite e Paula Barcia.
Gol: 1-0, m.70: Yas

Partido apático e con pouco ritmo das xalleiras, que lles costou meterse no partido, xa que sabían que o Calo vencera en Cee e xa se proclamara campión de Liga.
O Xallas chegou co 0-0 o descanso e aí sí que se fixo borrón e conta nova para que na segunda metade se vira outro Xallas maís ordenado e con peligro nas súas transformacións, nunha delas Yasmina, quen se non, transformaba o gol que daba tranquilidade e o subcampionato desta segunda liga na que participa o cadro dun orgullosísimo Rupper.

Dumbría - Vista Alegre (8-1)

Dumbría: Lissette, Icía, Carril, Noa, Antía, Fandi, Kelly, Claudia, Ainoa, Sabela e Juliette. Taén xogaron: Yoli, Naira, Sara, Lucía e Paula Rodríguez.

Goles: Paula Fandiño (3), Juliette, Kelly, Yoli e Claudia (2).

Bonito fin de liga o que brindaron as Dumbriesas á sua afición no último partido no Conco. Con 9 baixas, pero con tódalas ganas posibles xa antes do 1º minuto a capitana Fandi cabeceou á rede un saque de curruncho botado por Kelly. Pouco durou a alegría xa que unha indecisión da zaga con Lissette provocou o empate no minuto 4, pero o dominio do balón e do tempo de partido era plenamente local. Ainoa tuvo que abandonar o campo no minuto 20 tras un mal despexe mancando o seu nocello dereito dando entrada a Yoli. Antía, que volta ó equipo para aportar no tramo final, demostrou a claridade e calidade que ten, xogando de cara e facilitando o ritmo de xogo dende o centro da defensa.
Os goles foron sucedéndose.

As Miúdas - Rpos (3-2)

As Miúdas: Adriana, Elba, Alba, Marta Verán, Ana, Ximena, Paula, Marta Piñeiro, Marina, Bárbara e Sofía. Tamén: Claudia, Carlota, Clara, Gala e Naiara.
Goles: 0-1, m.12; 11, m.42: Bárbara; 2-1, m.44 Alba; 3-1, m.45: Ximena; 3-2, m.87.

Partido sufrido para as de Lucho, que comezaron perdendo moi pronto, tras uns minutos con moitos erros, pero souberon repoñerse. O treito final do primeiro foi espectacular, marcando 3 tantos. Pero A segunda parte xa foi moi dormida, con idas e voltas e só recurtaron aos visitantes no treito final, pero as muradás aseguran a 6ª praza.

Cacheiras - Mazaricos (5-0)

Mazaricos: Pedrosa, Claudia, Silvia, Fátima, Mariña, Antía, Hermida, Saray, Ánxela, Tamara, Bujan. Tamén xogaron: Leire, Romay, Paula R e Tajes.

Con moitas baixas chegaba o equipo de Borja Sueiro, e ante un dos de arriba, sufriron moito. Dominaban as locais pero as amarelas estaban ben situadas atrás, pero cada erro se pagaba caro pola eficacia das de Cacheiras.