Os ex matan ao Dumbría

14:36 20/12/10

Non vai de broma este Cee. Nunha das citas da tempada e nun dos derbis máis igualados dos últimos o Cee venceu ao Dumbría e se afianza como firme candidato ao ascenso á Preferente. Precisamente foron os "descartes" de Canosa os que macharon ao seu ex equipo, sendo Taski e Llanero os goleadores. Os de Pato seguen 3º, en postos de ascenso e a tan só 1 punto de Olímpico e Imperátor, os líderes. O Dumbría queda 5º a 3 puntos dos ceenses, e de seguido, a 1 dos dumbrieses, xa se pon un Xallas que tampouco renuncia a nada. O que non levanta cabeza é o Zas. Tiña esta fin de semana unha oportunidade de non deixar escapar ao Perlío, pero trala dura goleada xa hai unha barreira de 10 puntos entre o Zas e a salvación.

Dumbría - Cee (1-3)

Dumbría: Juan Purrúa, Iván Pequeño (Tantán min.60), Suso, Chula, Pablo Serrano (Albertito min.65), Pablo Conde, Iago, Eloy, Schuster (Piri min.60), Brais, Adrián.
Cee: Mingos, Rubén Fiuza, Rafa, Sergio, Angeliño, Dani Freire, Chapu (Leis min.73), Javi Rañal (Fran min.85), Tasky (Jorgito min.89), Llanero (Penedo min.81), Fernandito.
Goles: 0-1, min.46: Tasky; 0-2, min.60: Llanero, de penalti; 0-3, min.75: Tasky; 1-3, min.90: Adrián Mackaay.
Expulsión: Angeliño (min.80)

Unha segunda metade espectacular do equipo de Pato foi suficiente para conseguir unha vitoria tremenda ante un rival directo xa na loita polo ascenso. Porque aínda que non estivera nos plans do comezo de temporada, este Cee mira cara arriba. E así miran os seus dianteiros, onde os ex dumbrieses, Taski e Llanero, dous dos mellores xogadores da Costa, foron os verdugos de Canosa. Aarón lesionábase antes de comezar o partido, poñendo xa un toque negativo no ambiente do Conco. A primeira metade foi moi igualada, sen un dominador claro e coas defensas como protagonistas. Pero a saída fulgurante dos ceenses á volta do descanso matou o partido. Taski, cun gol e un penalti provocado, xa sentenciaba o choque ne 15 minutos. Llanero fixo o resto. Tan só Adrián Mackaay conseguiu recurtar xa co tempo cumplido.

Perlío - Zas (6-0)

Zas: Luis de la Peña, Borja (Luis min.33), Mancebo, Dani, José, Jorge, Fabián (Molina min.72), Canosa, Javi, Ferreiro, Adrián.

Novo partido para esquencer en Zas. E iso que este era un encontro moi importante ante un rival directo. De feito, o Perlío é o 14º, o que marca a salvación, e xa marcha a 10 puntos do Zas cando podería ter quedado a 4 puntos se o Zas tivese vencido no campo ferrolán. Xa comezou mal o equipo zaense e a estas alturas de campaña, e co equipo na situación que está, un gol é un mazazo insalvable. A partir do segundo gol o equipo desapareceu do campo e a goleada fixo dano na expedición costeira.

Xallas - Eume (3-1)

Xallas: David, Ismael, Iván Forján, Carteiro (Álvaro, min.78), Pica, Ricardo, Rubén, Adrián Beiroa, Ventura (Adrián Prol, min.71), Toni, Roberto (Leo, min.60).
Goles: 0-1, min.2: en propia nun despexe Ismael que petou na espalda Carteiro; 1-1, min.10: Ventura tras unha xogada de Rubén; 2-1, min.43: en propia tras un centro de Roberto; 3-1, min.60: Adrián Beiroa tras unha xogada de Toni.

Gran vitoria do Xallas de Iván Cancela e Santi Casal, que o aúpan nada menos que a 6ª praza. Os xalleiros comezaron mal o partido, cun gol en propia meta destes de "vídeos de primera". Un despexe de Ismael petou na espalda de Carteiro e o balón colouse na meta de David. Pero pronto se puxeron as pilas e anularon o gol cunha boa xogada de Rubén que rematou Ventura en boca de gol. O resto do primeiro tempo continuou moi igualado e a clave estivo no gol que chegou xusto antes de ir ao descanso e que chegou tras un centro de Roberto que rematou a gol un defensa visitante. Os xalleiros aproveitaron o baixón físico dos ferroláns na segunda, e controlaron o partido. Adrián Beiroa, tras unha boa xogada de Toni, sentenciou o choque.