Helicóptero voando sobre Laxe   Sobre as 18 horas deste domingo os voos permanentes dun helicóptero acompañado de sirenas dos equipos de urxencia alertou aos veciños de Laxe e aos visitantes que adoitan aproveitar as tardes de asueto dos domingos asollados para gozar da fachada marítima da vila. Na forma de vida das xentes do mar o son dun helicóptero sempre se asocia a un accidente marítimo aínda sendo un día e unha hora onde as embarcacións están en porto, máxime cando nun principio a aeronave non levaba despregada a cesta de auga e non se lle identificaba con antiincendios. Desta volta, o motivo de alarma foron dous pequenos focos incendiarios á beira do deposito de auga e case encima das vivendas colindantes.   Os focos incendiarios, presuntamente provocados, foron extinguidos polo propio helicóptero, unha brigada do distrito e os servizos municipais de protección civil, á fronte dos cales permaneceu en todo momento o alcalde do municipio José Manuel Mouzo Castiñeira. Ao peche desta información permanencían na zona un retén do distrito e outro de protección civil en previsión dun reavivamiento das chamas debido á brisa reinante Fonte

• QPC