A Praza Ramón Juega de Laxe acolleu na tarde do pasado domingo, 31 de xullo, a décima edición do Certame da Canción Mariñeira. No evento participaron cinco corais. As catro primeiras foron convidadas á cita, e chegaron dende Ferrol a Coral Ecos do Chamorro, dende Malpica a Coral de Malpica, dende as terras de Gondomar, preto da cidade portuguesa de Porto, o Grupo Coral Kyrios, e dende Corcubión a Coral Airiños de Quenxe. A quinta coral foi a anfitriona Coral Polifónica Municipal Atalaia de Laxe, que actuaron xunto ao Coro infantil de Laxe. A cita estivo presentada pola guapísima María Mato e contou coa organización do Concello de Laxe. Durante as dúas horas de actuacións tanto veciños e veciñas laxenses coma persoas amigas achegadas á celebración do certame ateigaron a praza, con máis de 500 asistentes, consolidando así o evento como a principal manifestación cultural do Laxe máis mariñeiro. Despois dos catro temas interpretados por cada unha das corais, a mestra da Coral Polifónica Municipal de Laxe, Teresa López Rodríguez, acompañada polo alcalde do Concello, Antón Carracedo, fixeron entrega dos tradicionais agasallos de participación a cada unha das corais alí presentes. O acto rematou con mostras de agradecemento tanto ós grupos convidados, como a coral municipal e as restantes persoas que fixeran posible que o acto puidera celebrarse nesta a súa décima edición.

Novas relacionadas

• Dez anos de cancións dende o mar en Laxe.
• Unha ollada ao cartel do Atalajazz.
• Laxe queda sen festas.
• A Asociación de Minusválidos O Peñón de Laxe acolle unha exposición solidaria.
• Laxe propón un verán pirata en verso.

Fonte

• Nota de prensa da Área de Turismo do Concello de Laxe, da man de María José Mato.