En xuño comezaban as obras, despois de 6 anos de peticións unánimes por parte do pobo de Laxe, para conseguir unha maior seguridade no porto e que os barcos non teñan que subir a terra ou marchar para Camariñas cando hai temporal. E semella que as obras avanzan a bo ritmo, co obxectivo de estar listas ao longo do ano que vén, se a meteoroloxía o permite.

Así o aseguraba onte o delegado da Xunta na Coruña, Gonzalo Trenor, que visitaba á zona xunto ao alcalde, José Luis Pérez Añón. A dragaxe, que ten un investimento de 3 millóns de euros, estase a realizar principalmente á cota -5, excepto nunha franxa próxima ao peirao da lonxa que se está a realizar á cota -3.

Drenaxe pluviais

Asegurou o delegado que as obras de canalización e drenaxe das augas que habitualmente se acumulan tralas precipitacións na zona situada entre o paseo marítimo e a Igrexa de Santa María de Atalaia. Unhas obras de apenas 28.000€, que inclúe a construción de dous novos pozos e unha canle de alivio pola escolleira.

Veremos se serven para mellorar as inundacións, pois aínda o pasado mes de setembro, en apenas 10 minutos de chuvia forte, a auga xa chegaba polos xeonllos.

Lonxa

A visita serviu ademais para lembra as obras, por 25.000€ realizadas no edificio da Lonxa, que está previsto que rematen a principios do ano 2021. Os traballos consisten nunha pequena ampliación do edificio coa fin de habilitar unha nova zona de lavadoiro de caixas de peixe. Con esta actuación, a antiga zona de lavadoiro pasará a ser destinada a un novo viveiro.

Historia sobre a dragaxe de Laxe

• Xuño 2020: Hoxe comezaron as obras da dragaxe de Laxe.
• Maio 20: Avanzan as obras do dragaxe do porto de Laxe.
• Outubro 2019: O dragado de Laxe e a Variante de Carballo, demandas de décadas, as únicas apostas dos Orzamentos da Xunta 2020.
• Setembro 2019: En breve comezarán as obras do dragado de Laxe:
• Xaneiro 19: A dragaxe do Porto de Laxe xa ten Declaración de Impacto Ambiental.
• Setembro 17: Eólicos vs Dragaxe de Laxe. Mariñeiros vs Unión Fenosa.
• Febreiro 2017: Confraría e grupos municipais volven unirse para solicitar a dragaxe do porto de Laxe.
• 01-02-2017: Temporal de mar en Laxe: barcos a terra (ou a Camariñas).
• Decembro 2017: A eterna parálise das obras de mellora do porto de Laxe volven atascarse no Parlamento.
• Xullo 2016: Laxe volve unirse por unha solución para o porto e a praia.
• Xuño 2016: O porto de Laxe, o punto incómodo entre os grupos municipais.
• Febreiro 2016: Portos abre a licitación das obras da dragaxe no porto de Laxe.
• Setembro 2015: O dragado do Porto de Laxe, incluído un ano máis no Orzamento da Xunta para o ano que vén.
• Agosto 2014: Confraría e grupos municipais únense por unha solución aos problemas do porto de Laxe..
• Xuño 12: Portos comprométese a solucionar o problema cos áridos en Laxe.
• 2011: A area da praia de Laxe xa chega a Bruxelas.
• 2010: Problemas na praia de Laxe trala ampliación do dique..